Image

საქართველოს ნაკრები ჩრდილოეთ კორეის ნაკრებთან ამხანაგურ მატჩს გეგმავს

ფეხბურთი / საქართველო 06-აპრ, 22:279 slim4me 1688


















7 ივნისს საქართველოს ეროვნული ნაკრები ამხანაგური მატჩის გამართვას ჩრდილოეთ კორეის ნაკრებთან აპირებს. ფეხბურთის ფედერაციას მატჩის გამართვა თბილისში სურს, თუმცა გამორიცხული არ არის, რომ თამაში რომელიმე ევროპულ ქვეყანაში ჩატარდეს. ჩრდილოეთ კორეის ნაკრებმა, 2010 წელს სამხრეთ აფრიკის მსოფლიოს ჩემპიონატზე ითამაშა და ჯგუფში სამივე შეხვედრა წააგო ფიფას მიერ გამოქვეყნებულ რეიტინგში კი 113-ე ადგილი უკავია.

რაც შეეხება ოფიციალურ მატჩს - 4 ივნისს თემურ ქეცბაის გუნდი ევროპის ჩემპიონატის შესარჩევ ეტაპზე სტუმრად ხორვატიის ნაკრებს უნდა დაუპირისპირდეს, თუმცა შესაძლოა, რომ ეს თამაში ერთი დღით ადრე 3 ივნისს გაიმართოს. ამის მიზეზი კი ის არის, რომ 4 ივნისს, ხორვატიაში რომის პაპი ბენედიქტ XVI ჩადის და ბალკანურმა მხარემ საქართველოს ფეხბურთის ფედერაციას შეხვედრის ერთი დღით ადრე გამართვის თაობაზე თხოვნით მიმართა.

ქართველთა თანხმობის შემთხვევაში, 21-წლამდელთა ნაკრებისა და ეროვნული გუნდის მატჩები ერთ დღეს გაიმართება. ევროპის 2013 წლის ახალგაზრდული ჩემპიონატის შესარჩევ ციკლში, ოთარ გაბელიას გუნდი პირველ მატჩს სამ ივნისს სწორედ ხორვატ თანატოლებთან ატარებენ.

ქეცბაია ხორვატებთან თამაშამდე ორკვირიანი შეკრების გამართვას აპირებს, რომლის პირველი ეტაპი საქართველოში ჩატარდება, მეორე კი საზღვარგარეთ, ხორვატიის მეზობელ ქვეყანაში, რათა ფეხბურთელებმა შემდეგ ადაპტაციის პერიოდი იოლად დაძლიონ.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
მაისი 2019 (344)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
დეკემბერი 2018 (539)
რეკლამა