Image

ბენიტესს ნდობას კაპიტანიც უცხადებს

სიახლეები / ფეხბურთი / უცხოური ფეხბურთი 23-ნოე, 20:199 FCB 1195


















მილანის “ინტერის” პრეზიდენტის, მასიმო მორატის შემდეგ გუნდის მთავარი მწვრთნელის დასაცავად სიტყვით კაპიტანი, ხავიერ ძანეტიც გამოვიდა. გასულ სეზონში ყველაფრის მომგებ გუნდს საქმეები ძალზე ცუდად მისდის. “ინტერს” სერია A-ში ბოლო 4 მატჩია არ მოუგია, რის შედეგადაც მილანელები მე-6 ადგილზე არიან და თანაქალაქელ ლიდერს 9 ქულით ჩამორჩებიან. ბუნებრივია, როგორც ასეთ სიტუაციებში ყოველთვის ხდება ხოლმე, პრესაში აქტიურად მიდის რაფაელ ბენიტესის შესაძლო შემცვლელების შესახებ ინფორმაციების გავრცელება, მაგრამ ძანეტი აცხადებს, რომ მწვრთნელის გამოცვლაზე არავინ ფიქრობს.
“ბენიტესის შეცვლაზე არავინ ფიქრობს. ჩვენი გუნდი წინ მიიწევს და კრიტიკა ვერ შეგვაჩერებს. რთული პერიოდი აუცილებლად დასრულდება. ჩვენი სურვილია რაც შეიძლება მალე დავიწყოთ შედეგის ჩვენება” – აცხადებს ძანეტი, რომელიც ასევე უარყოფს ინფორმაციას, რომლის თანახმადაც მისმა თანამემამულე კამბიასომ მორატის ბენიტესის გადაყენების თხოვნით მიმართა.
მიუხედავად პრეზიდენტისა და კაპიტნის მხრიდან გამოცხადებული ნდობისა, სიტუაციის გამოუსწორებლობის შემთხვევაში, ბენიტესს რომ უმუშევრად დარჩენა ემუქრება, ეს ცხადია. ბოლო დროს, მის შესაძლო შემცვლელებად მოიხსენიებოდნენ ფაბიო კაპელო, ლუჩანო სპალეტი და ლეონარდო, ახლა კი მათ რიგებს არგენტინელი მარსელო ბიელსა შეემატა, რომელმაც ჩილეს ნაკრებში შესანიშნავი სამუშაო გასწია, მაგრამ შემდეგ საკუთარი ნებით დატოვა სამხრეთ ამერიკული გუნდი.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
მაისი 2019 (234)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
დეკემბერი 2018 (539)
რეკლამა