ქეცბაია ფერნანდესს - ჩვენ ისევ შევხვდებით!

საქართველო / უცხოური ფეხბურთი / ევროტურნირები 30-მარ, 18:529 Sportnews 2286


თელ ავივის “ბლუმფილდზე” ისრაელთან ნამატჩევს, საქართველოს ეროვნული ნაკრების თავკაცი თემურ ქეცბაია, ბევრი ადგილობრივი და 4 ქართველი ჟურნალისტის წინაშე პრესკონფერენციაზე წარსდგა. “ჯვაროსანთა” დამრიგებელს ებრაელმა კოლეგებმა უსაყვედურეს, წინასამატჩო “მითინგი” რატომ გააცდინეთო, რაზეც საკმაოდ ლაკონური პასუხი მიიღეს – მატჩამდე მხოლოდ მომავალ თამაშზე ვარ კონცენტრირებული. ახლა თქვენს წინაშე ვარ და რაც გინდათ მკითხეთო.

- როგორ შეაფასებდით ჯგუფში თქვენი გუნდის შანსებს?

- როგორც ხედავთ, პირველი ოთხეული გამოიკვეთა, საიდანაც ფავორიტად ხორვატიას მივიჩნევ, დანარჩენ სამ გუნდს კი, პრაქტიკულად თანაბარი შანსები გვაქვს, რომ II ადგილის მეშვეობით მოვხვდეთ ევროპის ჩემპიონატის ფინალურ ეტაპზე.

- ეტყობა, თქვენი სათამაშო სტილი “დახურული” ფეხბურთის თამაშია. ამაზე ისიც მეტყველებს, რომ ექვს მატჩში მხოლოდ 3 გოლი გაქვთ გაშვებული.

- ეს სტატისტიკაა. რაც შეეხება დღევანდელ თამაშს, ჩვენ რაიმე განსაკუთრებული გეგმა არ გვქონია – ვუცდიდით შანსს, რომელიც როგორც კი მოგვეცემოდა, უნდა გამოგვეყენებინა. იყო ასეთი შემთხვევა და სამწუხაროდ ვერ გამოვიყენეთ.

ყველაფერი ძალიან მარტივადაა - ერთია, შენ რას გინდა მიაღწიო, მეორე - რა შეგიძლია. ამჯერად, ჩვენმა სურვილებმა შესაძლებლობებს გადააჭარბეს.

მთლიანობაში, კმაყოფილი ვარ ჩემი გუნდის გარჯით. ფეხბურთელებმა ყველაფერი გააკეთეს იმისათვის, რომ თამაში მოეტრიალებინათ, მაგრამ ბოლომდე ძალა არ ეყოთ. ვეცდებით, ეს დანაკლისი მომავალ თამაშებზე ავინაზღაუროთ.

- ამ მარცხის შემდეგ, თქვენი ნაკრებში მუშაობის ახალი ეტაპი იწყება.

- ჩვენ არა ვართ ის გუნდი, ზედიზედ ყველა თამაში რომ მოვიგოთ. როდესმე ხომ მოვიდოდა ეს წაგება? სიმართლე გითხრათ, ჩვენი ნაკრები ხორვატებთან ორ თამაშში (მეორე მატჩი სპლიტში, 4 ივნისს გიმართება - ფ.კ.) და ისრაელთან 3 ქულის აღებას გეგმავდა. პირველსავე თამაშში შევასრულეთ დასახული მიზანი, რასაც ძალიან დიდი ძალა შევალიეთ. ალბათ, ამანაც გამოიწვია ეს შედეგი, რომ ბოლომდე ვერ გავაკეთეთ გასაკეთებელი.

- თვლით თუ არა, რომ საქართველოს ნაკრების თავდასხმას გაძლიერება სჭირდება.

- რა გითხრათ. რაც კი რესურსი არსებობს, ბოლომდე შესწავლილი გვაქვს. არ არსებობს საქართველოში თავდამსხმელი, რომელიც არ მოგვიყვანია და მის შესაძლებლობებს არ გავცნობივართ. მოკლედ, რაც არის, მას ვიყენებთ. არიან პერსპექტიული ახალგაზრდებიც და ვეცდებით ამ მხრივაც გამოვასწოროთ სიტუაცია,

- ისრაელი პირველი გუნდია, რომელთანაც ჯგუფის ორივე თამაში გამართეთ. როგორ თვლით, რა შეიცვალა მის თამაშში შარშანდელი შემოდგომის შემდეგ?

- ჩემი კოლეგის კომპენტენტურობაზე ისიც მეტყველებს, წარსულში რა დონის ფეხბურთელი იყო. ვთვლი, რომ მის ამპლუაში იგი ერთ-ერთი საუკეთესო გახლდათ ევროპაში. ფერნანდესის გაწვრთნილ ისრაელის ნაკრებს რაც შეეხება, სექტემბრის შემდეგ გუნდში ბევრი ახალი სახე გამოჩნდა, რომელთა თამაში, იმის მიუხედავად, რომ “ახლები” არიან, კარგად გვქონდა შესწავლილი. მაგრამ რას იზამ, დაცვაში მიუტევებელი შეცდომა და გოლით დავისაჯეთ. ამ მარცხით არაფერი მთავრდება – ჩვენ კიდევ შევხვდებით ერთმანეთს.

 








მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:











მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Eke 30 მარტი 2011 23:53
რეალურად რო დავფიქრდეთ შეიძლება ბოლოს 4 თამაშში მინიმუმ 9 ქულის მოპოვება,რადგან მალტას უნდა ვძლიოთ გასვლაზე და სახში როგორმე საბერძნეთი და ლატვია უნდა დავამარცხოთ + ზაგრებიში გასვლა 7



შემოგვიერთდით
რეკლამა
არქივი
ივნისი 2020 (3)
მაისი 2020 (133)
აპრილი 2020 (216)
მარტი 2020 (655)
თებერვალი 2020 (504)
იანვარი 2020 (517)