გიორგი შერმადინის 10 ქულა ევროლიგაზე

სიახლეები / კალათბურთი / ქართული კალათბურთი / უცხოური კალათბურთი 26-ნოე, 18:159 Sportnews 2132


საკალათბურთო ევროლიგის მეექვსე ტურში გიორგი შერმადინის "ოლიმპია" სტამბულის "ეფეს პილსენთან" სტუმრად 78:84 დამარცხდა.

დაძაბულ და საინტერესო შეხვედრაში საქართველოს ეროვნული ნაკრების ცენტრმა გიორგი შერმადინმა მოედანზე 16:59 წუთი გაატარა და 10 ქულით, 5 მოხსნით, 1 ჩაჭრითა და 1 დაფარებით სტუმართაგან ერთ-ერთი საუკეთესო გახლდათ. ქართველმა კალათბურთელმა 4-დან 2 ორქულიანი და 6-ვე ჯარიმა ჩააგდო, ბურთი ორჯერ დაკარგა, ორჯერ მას დაუფარეს, შერმადინის წინააღმდეგ კი 3-ჯერ დაჯარიმდნენ.

ლიუბლიანელებს ათენის "პანათინაიკოსისა" და იმავე "ეფესის" დარად, 4 მოგების ფონზე 2 წაგება მოუგროვდათ, ბურთების სხვაობით კი D ჯგუფში მე-3 ადგილზე იმყოფებიან. სლოვენიური კლუბი მომდევნო მატჩს შინ იტალიური "არმანი ჯინს მილანოს" წინააღმდეგ 2 დეკემბერს ჩაატარებს. აქვე საქართველოს ნაკრების კიდევ ერთ კალათბურთელზე გეტყვით - გიორგი ცინცაძის "ტარტუ როკმა" "ტტუ/კალევ II" 97:67 დაამარცხა და ესტონეთის ჩემპიონატში ლიდერობა დაიბრუნა. ახლა, ტარტუელთა აქტივში 10 მოგება და 1 მარცხია. განვლილ შეხვედრაში საქართველოს ნაკრების გამთამაშებელმა 16:38 წუთს ითამაშა და მასპინძლებს 11 ქულა, 4 მოხსნა, 2 პასი და 3 ჩაჭრა შეაშველა. ცინცაძემ 4-დან 3 ორქულიანი, 3-დან 1 სამქულიანი და 2-ვე საჯარიმო ჩააგდო და 4 პერსონალური ფოლი მიიღო.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
Sportnews 26 ნოემბერი 2010 18:17
შერმადინი კაი კალათბურთელია, იმედია ბევრი სათამაშო დრო ექნება ხოლმე
--------------------
გუნდი:რეალი;შალკე ; ლეიკერსი
მოთამაშე: რაული , რონალდუ , ბრაიანტი



შემოგვიერთდით
რეკლამა
არქივი
ოქტომბერი 2020 (163)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი