ტატიშვილი მექსიკაში

სიახლეები / ჩოგბურთი 08-ნოე, 21:409 FCB 1934


საქართველოს პირველმა ჩოგანმა ანა ტატიშვილმა ტეხასში, გრეიფვაინის 50-ათასიანი ტურნირის მეოთხედფინალში ასპარეზობის კვალად, არიზონას ქალაქ ფენიქსს მიაშურა და მიმდინარე კვირაში 75-ათასიანი ტურნირის ძირითად ბადეში ჩაებმება.
ტატიშვილს, რომელიც ქალთა საჩოგბურთო ასოციაციის (WTA) რეიტინგში მისთვის სარეკორდო 134-ე ადგილზეა, ფენიქსურ პირველობაზე მე-10 განთესვა გააჩნია, ფავორიტები კი ამერიკელები მელანი ოუდინი და ვარვარა ლეპჩენკო არიან.
შეგახსენებთ, რომ ქართველი ჩოგბურთელი გრეიფვაინის ტურნირს სწორედ ლეპჩენკოსთან მარცხის შემდეგ დაემშვიდობა. უზბეკეთში დაბადებულმა ვარვარამ ანას 6:4, 7:6 (7:5) სძლია შემდეგ ტურნირის ჩემპიონიც გახდა.
ცნობისთვის, ლეპჩენკო ფენიქსის ტურნირის შარშანდელი გათამაშების გამარჯვებული გახლავთ. უზბეკმა ამერიკელმა ფინალში ზელანდიელ საშა ჯოუნსს 6:0, 6:0 მოუგო, ამ უკანასკნელმა კი, თავის მხრივ, ნახევარფინალში ტატიშვილს 3:6, 6:2, 6:1 სძლია.
მოგახსენებთ იმასაც, რომ შარშან ტატიშვილმა და კანადელმა მარი-ივ პელეტიემ ფენიქსში წყვილთა ტურნირშის ფინალში გააღწიეს, თუმცა, ამერიკელ ვაშინგტონთანა და კანადელ ფიჩმანთან 6:4, 4:6, 8:10 დამარცხდნენ.
ბელორუსის დედაქალაქ მინსკში დაწყებულ 25-ათასიან ტურნირში ითამაშებს ოქსანა კალაშნიკოვა. მე-5 ნომრად განთესილი ქართველი გოგონა საწყის რაუნდში პოლონელ კატარჟინა პიტერს დაუპირისპირდება, გამარჯვების შემთხვევაში კი, ესპანელ კოსტას-მორეირასა და ბელორუს ძეჰალევიჩს შორის უმჯობესს შეერკინება.
წყვილებში კალაშნიკოვა სწორედ ძეჰალევიჩთან ერთად პირველ ნომრადაა მიჩნეული და მერვედფინალში ძალებს მასპინძელთა დუეტთან (მაროზოვა-პეხოვა) მოსინჯავს.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (162)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი