ზიდანი: ოქროს ბურთს ინიესტას მივცემდი

სიახლეები / ფეხბურთი / უცხოური ფეხბურთი 16-ნოე, 17:379 beqa_beqa 2023


ფრანგული ფეხბურთის ცოცხალმა ლეგენდამ ზინედინ ზიდანმა წლევანდელი "ოქროს ბურთის" კანდიდატთა შორის თავის რჩეული დაასახელა.

საფეხბურთო ინდივიდუალური დაჯილდოების ცერემონიალის პროცედურები ამ სეზონიდან შეკვეცილია: "ფრანც ფუტბოლის" დაწესებული "ოქროს ბურთი" და ფიფას ჯილდო - "ბრილიანტის ბურთი" გაერთიანდა, სახელწოდება კი პირველის შემორჩა. შესაბამისად, შეიცვალა ხმის მიცემის წესიც. საუკეთესოთა შორის საუკეთესოების გამოსავლენად ამიერიდან მწვრთნელებისა ეროვნული გუნდების კაპიტნების გარდა ჟურნალისტების აზრსაც გაითვალისწინებენ.

ამ დროისთვის "ოქროს ბურთის" პრეტენდენტთა სიაში 23 გვარია მოხსენიებული, რომელთაგან 6 ესპანელია. 6 დეკემბრამდე სია საუკეთესო სამეულამდე შემცირდება, გამარჯვებულს კი 10 იანვარს გამოავლენენ.

"წელს დაჯილდოებას ბევრი ფეხბურთელი იმსახურებს, - განაცხადა 1998 წელს "ოქროს ბურთის" მფლობელმა ზინედინ ზიდანმა. – თუმცა, მე ამ ტიტულს აუცილებლად რომელიმე ესპანელ ფეხბურთელს მივაკუთვნებდი, რადგან მათ წარმატებას მსოფლიოს ჩემპიონატზე მიაღწიეს და ისედაც, მთელი წლის განმავლობაში საუკეთესონი იყვნენ. ჩემი აზრით, ესპანური ფეხბურთი უფრო მეტად იმსახურებს "ოქროს ბურთს", ვიდრე ნებისმიერი სხვა".

სამხრეთ აფრიკის მუნდიალის 23 ჩემპიონს შორის ინდივიდუალურ ჯილდოზე პრეტენდენტები იკერ კასილასი, ხაბი ალონსო, ხავი, დავიდ ვილია, კარლეს პუიოლი და ანდრე ინიესტა არიან.

"მე ფეხბურთის ყურებისას სიამოვნებას ინიესტას დარი მოთამაშეები მანიჭებენ, რომელთა თამაში ლამაზი, მარტივი და სასარგებლოა", - დასძინა ზიდანმა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
beqa_beqa 16 ნოემბერი 2010 17:44
ზიზუ რასაც იტყვიეს ეგრეა უეჭველი



შემოგვიერთდით
რეკლამა
არქივი
ოქტომბერი 2020 (184)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი