ჭაბუკი ძიუდოისტების 16 მედალი ანთალიიდან

ჭიდაობა 21-მარ, 18:519 Sportnews 3130


საქართველოს ჭაბუკ ძიუდოისტთა ნაკრები ანთალიაში გამართული ევროპის თასიდან 16 მედლით დაბრუნდა. მთავარმა მწვრთნელმა, გიორგი ვაზაგაშვილმა თურქეთში გაფართოებული შემადგენლობა იახლა. თავის გამოჩენის შანსი კი ახლახანს ჩატარებული საქართველოს ჩემპიონატის ყველა მედალოსანს მიეცა (სულ 32 ჭაბუკი). ქართველებმა 5 ოქროს, 4 ვერცხლისა და 5 ბრინჯაოს მედალი მოიპოვეს და გუნდური პირველი ადგილიც დაიკავეს.

ჩემპიონები გახდნენ: თამაზ კირაკოზაშვილი (60 კგ), ლევან გუგავა (73 კგ), ბექა ღვინიაშვილი (81 კგ), შალვა ჩოჩელი (90 კგ) და გიორგი ლაზუაშვილი (+90 კგ). აპოლონ ზურაბიანი (66 კგ), ბექა დონღვანი (73 კგ), ადამ ვარაზიშვილი (81 კგ) და გიორგი გელაშვილი (+90 კგ) ფინალში დამარცხდნენ. მესამე საპრიზო ადგილზე კი, გოდერძი ფეტვიაშვილი (55 კგ), დავით ჭიკაიძე (66 კგ), ჯაბა მუმლაძე (81 კგ), ჯაბა კაპანაძე (90 კგ) და ზაზა ხუბულური (+90 კგ) გავიდნენ. ვაჟების მსგავსად ანთალიაში გოგონებმაც იჭიდავეს - 7 გოგონადან, კვარცხლბეკზე 2 ავიდა.

მარიამ ჯანაშვილმა (57 კგ) ევროპის თასი წაუგებლად ჩაამთავრა და ჩემპიონის ტიტული მოიპოვა, მარიამ ციხელაშვილი (57 კგ) კი ბრინჯაოს დასჯერდა. ორ კვირაში, ჭაბუკი ძიუდოისტები უკრაინულ ევროპის თასზე გაემგზავრებიან, რასაც ორი ქართული შეჯიბრი მოჰყვება და საერთო შედეგების გათვალისწინებით საქართველოს ჭაბუკთა ნაკრების ძირითადი შემადგენლობა გაირკვევა, რომელიც ზაფხულში, ევროპის ჩემპიონატზე გამოვა.


მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:













მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ოქტომბერი 2020 (184)
სექტემბერი 2020 (204)
აგვისტო 2020 (153)
ივლისი 2020 (167)
ივნისი 2020 (111)
მაისი 2020 (125)
სიტი-რეალი