Image

სლავენ ბილიჩი: “თბილისიდან დაუმარცხებლად წასვლა, ნებისმიერი გუნდისთვის წარმატებაა”

სიახლეები / ფეხბურთი / უცხოური ფეხბურთი 17-ნოე, 10:329 FCB 1447


















ევროპის 2012 წლის ჩემპიონატის შესარჩევ ციკლში, ხორვატებს მალტასთან შინ 12 ოქტომბერს უნდა ეთამაშათ, მაგრამ ბალკანელთა თხოვნის შემდეგ, “კუნძულელები” შეხვედრის 17 ნოემბრისთვის გადატანას დათანხმდნენ. ამ გუნდების დაპირისპირება დღეს, ზაგრებში, სტადიონ “მაქსიმირზე” შედგება და თბილისის დროით 20:30 საათზე დაიწყება.
F ჯგუფში, სადაც საქართველოს ნაკრები გამოდის, 4 მატჩში აღებული 8 ქულით პირველ ადგილზე საბერძნეთია, ხოლო ხორვატებმა 3 შეხვედრაში 7 ქულა მოაგროვეს და ოთხშაბათს, გალიდერების კარგი შანსი აქვთ. ცხადია, სლავენ ბილიჩისთვის, გამარჯვების გარდა სხვა შედეგი, კატასტროფად ჩაითვლება, მაგრამ ხორვატთა 42 წლის დამრიგებელმა, უეფას ოფიციალურ ვებ-გვერდთან საუბრისას აღნიშნა, რომ 3 ქულის მოპოვებასთან ერთად, მისთვის თამაშის ხარისხიც მეტად მნიშვნელოვანია.
- იცით, რომ ხორვატიაში თითოეული ადამიანი მალტასთან იოლ გამარჯვებას ელის?
- ხორვატ გულშემატკივრებს არა მხოლოდ გამარჯვება, არამედ, სანახაობრივი ფეხბურთის ხილვა სურთ, იმის მიუხედავად, ვის ვეთამაშებით. ჩვენ თამასა ძალიან მაღლა ავწიეთ და უნდა დავამტკიცოთ, რომ შეგვიძლია იმ სტანდარტის შენარჩუნება, რომელიც საკუთარ თავს განვუსაზღვრეთ. მალტასთან გამარჯვების შემთხვევაში, ჯგუფში ლიდერები გავხდებით. თუმცა, ეს არ ნიშნავს, რომ ევროპის 2012 წლის ჩემპიონატზე მოხვედრა განაღდებული გვაქვს, მაგრამ იმის მაჩვენებლი იქნება, რომ სწორ გზაზე ვდგავართ.
- თავდამსხმელებთან დაკავშირებით რეალური დილემის წინაშე დგახართ – ედუარდო და სრდეან ლაკიჩი კარგად თამაშობენ, ნიკიცა ელავიჩმა და ივიცა ოლიჩმა ტრავმები მიიღეს, ხოლო მარიო მანძუკიჩი ფორმაში არაა. ასეთ შემთხვევაში, როგორ უნდა მოიქცეთ?
- მსოფლიოს 2010 წლის ჩემპიონატის შესარჩევ ციკლში, ტრავმები და უიღბლობა თან გვდევდა. პრაქტიკულად, კვალიფიციურ ექიმებად ვიქეცით. ჩვენ ვიცით მსგავს სიტუაციებში როგორ უნდა მოვიქცეთ. გარისკვის არ გვეშინია, რადგან ვიცით, რომ ხორვატიის სათამაშო დონის შესანარჩუნებლად, ერთადერთი გამოსავალი გუნდის განახლებაა – სწორი სელექცია უნდა წარვმართოთ და შანსი ახალგაზრდა ფეხბურთელებს მივცეთ. ლაკიჩი მაღალი დონის მოთამაშეა, რომელსაც იმ პერიოდიდან ვიცნობ, როდესაც ხორვატიის 21-წლამდელთა ნაკრებს ვავარჯიშებდი. შეტევაში გაცილებით დიდი არჩევანი გვაქვს, ვიდრე ნებისმიერ სათამაშო რგოლში – მატე ბილიჩი, მარიო მანძუკიჩი, ივან კლასნიჩი. თუმცა, ვცდილობთ ახალი სახეები წარმოვაჩინოთ და მათ თავის გამოჩენის შანსი მივცეთ. ჩვენ ვიცით როგორ უნდა ვაქციოთ ახალგაზრდა და პერსპექტიული ფეხბურთელები ნაკრების საკვანძო ფიგურებად.
- მომავალ წელს, შესარჩევ ციკლში, საქართველოს ნაკრებთან ზედიზედ ორი შეხვედრის (26 მარტს თბილისში და 4 ივნისს ხორვატიაში - რედ.) ჩატარება მოგიწევთ. რას ელით ამ მატჩებისგან?
- დასაწყისიდანვე ვიცოდით, რომ ჩვენი ჯგუფი ძალიან რთული იქნებოდა. მიუხედავად იმისა, რომ ხორვატია პირველ ნომრად იყო განთესილი და წესით, შედარებით იოლი მეტოქეები უნდა შეგვხვედროდა, მომდევნო კალათებიდან ყველაზე ძლიერი გუნდები გვერგო – საბერძნეთი, ისრაელი, შემდეგ კი, ლატვია და საქართველო. ნებისმიერმა გუნდმა, რომელიც თბილისიდან დაუმარცხებელი წამოვა, უნდა ჩათვალოს, რომ წარმატებულად გაისარჯა.
- ჯგუფში დაფიქსირებული შედეგები, თქვენთვის სიურპრიზი იყო?
- ამით, კიდევ ერთხელ დადასტურდა ის, რაც დიდი ხნის წინ ვიცოდით – შეცდომის დაშვების უფლება არავის აქვს და ყველა მატჩი დაძაბული იქნება. დიდი ხნის წინ ვთქვი, რომ ეროვნულ ნაკრებთა სათამაშო კლასში განსხვავება, ძალიან შემცირდა. მხოლოდ რამდენიმე ტოპ-ნაკრების გარდა, ნებისმიერ შეხვედრაში, სამი ქულის აღება, გარანტირებული არავის აქვს. მსურს, რომ ხორვატია ერთ-ერთი ამ ნაკრებთაგანი გახდეს.
- საკლუბო დონეზე მწვრთნელობის გაგრძელებას, კვლავ აპირებთ?
- რა თქმა უნდა, კლუბში მწვრთნელად მუშაობა მსურს და ეროვნულ ნაკრებში მიღებული გამოცდილება, ჩემთვის შეუფასებელი იქნება. მთავარი მწვრთნელის რანგში თავს ყოველდღე უფრო დამაჯერებლად ვგრძნობ და განვითარების პერსპექტივასაც ვხედავ. ხორვატიის ნაკრებთან ერთად ჩემი მოგზაურობა ჯერ არ დამთავრებულა. ეროვნული გუნდი ჩემი მისიაა და მსურს, ამ თაობასთან ერთად, ეს დიდებული ისტორია ევროპის 2012 წლის ჩემპიონატის ფინალურ ეტაპზე დავასრულო.

მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:










მოიწონეთ სტატია


კომენტარები
გაუზიარეთ მეგობრებს
მსგავსი სიახლეები
შემოგვიერთდით
რეკლამა
არქივი
მაისი 2019 (234)
აპრილი 2019 (414)
მარტი 2019 (446)
თებერვალი 2019 (548)
იანვარი 2019 (672)
დეკემბერი 2018 (539)
რეკლამა