თორნიკე შენგელიას დამატებით „ბარსელონა“ დაინტერესდა

საქართველოს ეროვნული ნაკრების კაპიტანი თორნიკე შენგელია, შესაძლოა, ზაფხულში ევროპული კალათბურთის გრანდის, „ბარსელონას“ წევრი გახდეს, – ინფორმაციას გამოცემა „სპორტანდოს“ ჟურნალისტი ალესანდრო ლუიჯი მაჯი ავრცელებს.

ამჟამად „ვირტუს ბოლონიას“ მოთამაშეს, მაჯის ცნობით, „ბარსელონა“ სამწლიან ხელშეკრულებას სთავაზობს. სხვა დეტალები ჯერ უცნობია.

33 წლის თორნიკე შენგელიას ესპანეთში თამაშის გამოცდილება აქვს. ქართველი 2008-2010 წლებში „ვალენსიაში“ ასპარეზობდა, ხოლო 2014-დან 2020 წლის ჩათვლით „ბასკონიის“ ღირსებას იცავდა, სადაც ესპანეთის ჩემპიონის ტიტულიც მოიგო.

იტალიურ კლუბთან შენგელიას მიმდინარე კონტრაქტი ზაფხულში იწურება. ქართველი კალათბურთელი ევროლიგის რეგულარულ სეზონში საშუალოდ 15.6 ქულასა და 5 მოხსნას აგროვებდა.

წყარო: 1tv.Ge - Sport