ხვიჩა კვარაცხელიას ძმა საუკეთესოდ დაასახელეს

საქართველოს 15-წლამდე ვაჟთა ნაკრებმა, ერევანში გამართული განვითარების თასის გათამაშება უზბეკეთთან გამარჯვებით და 3 ქულით დაასრულა - 0:3. ამ მოგებით, გიორგი ჩიტაურის გუნდმა ტურნირზე 6 ქულით პირველი ადგილი დაიკავა.

ჩვენმა ასაკობრივმა, პირველ ტურში, ტურნირის დებულების თანახმად, ძირითად დროში დაფიქსირებული ფრის შემდეგ პირდაპირ დანიშნულ პენალტების სერიაში ლატვიას მოუგო და 2 ქულა მოიპოვა; ხოლო მეორე ტურში, იდენტური სცენარის შემდეგ თერთმეტმეტრიანებში მასპინძელ სომხეთთან დამარცხდა და 1 ქულა მოიპოვა.

აღსანიშნავია, რომ ტურნირის საუკეთესო ფეხბურთელად ხვიჩა კვარაცხელიას უმცროსი ძმა თორნიკე დასახელდა.  შეგახსენებთ, რომ პატარა კვარაცხელია ცოტა ხნის წინ თბილისის "დინამოს" ფეხბურთელი გახდა , მანამდე ის "ინტერის აკადემიაში“ ირიცხებოდა.