მორიგი ტრიუმფის შანსი! - კვარაცხელიას "პსჟ" მნიშვნელოვანი ტიტულის მოგებას ეცდება

მსოფლიო საკლუბო ჩემპიონატის ფინალში მარცხის შემდეგ ხვიჩა კვარაცხელიას "პსჟ-ს" კიდევ ერთი ტიტულის მოგების შანსი ექნება.

ფრანგული გუნდი  უეფა-ს სუპერთასის ფინალში „ტოტენჰემს“ დაუპირისპირდება, რომელმაც ევროპის ლიგა მოიგო.

„ტოტენჰემისა“ და პსჟ-ის დაპირისპირება 13 აგვისტოს იტალიაში შედგება. შეხვედრას „უდინეზეს“ „ფრიულის“ სტადიონი უმასპინძლებს.

მატჩი საქართველოს დროით 23:00 საათზე დაიწყება და შეხვედრის პირდაპირი ტრანსლაცია "სილქ უნივერსალზე" და "სეტანტაზე" იქნება.

წარმატებები ვუსურვოთ ქართველ ფეხბურთელს აღნიშნულ შეხვედრაში.