მიქაუტაძე „ვილიარეალში“ გადასვლასთან ერთ ნაბიჯშია - „ლიონი“ 30 მილიონ ევროს მიიღებს

გიორგი მიქაუტაძეს „ვილიარეალში“ გადასვლას ერთი ნაბიჯიღა აშორებს – „ლიონისა“ და საქართველოს ნაკრების თავდამსხმელზე ინფორმაციას ფრანგი ჟურნალისტი საშა ტავოლიერი სოციალურ ქსელში ავრცელებს.

„გიორგი მიქაუტაძე „ვილიარეალში“ გადასვლასთან ერთი ნაბიჯშია. ესპანურ კლუბსა და „ლიონს“ შორის პრინციპული შეთანხმება მიღწეულია. ტრანსფერის თანხა, დაახლოებით, 25 მილიონი ევროა, პლუს 5 მილიონი ბონუსების სახით.

საბოლოო შეთანხმება უახლოეს პერიოდში მოხდება. კლუბსა და ფეხბურთელს შორის ხუთწლიანი კონტრაქტი გაფორმდება“, – წერს საშა ტავოლიერი.

საინტერესოა, რომ ცოტა ხნის წინ ვებგვერდი AVFCStatto ამტკიცებდა, რომ „ლიონთან“ შეთანხმებას პრემეირლიგელმა „ასტონ ვილამ“ მიაღწია, მაგრამ საბოლოოდ ქართველმა ფეხბურთელმა სხვა არჩევანი გააკეთა.

წყარო: 1tv.ge