რა შეფასება მიიღო კვარაცხელიამ "ატალანტასთან" შეხვედრაში

ხვიჩა კვარაცხელიამ ჩემპიონთა ლიგაზე მეექვსე გოლი გაიტანა და „პარი სენ-ჟერმენს“ „ატალანტას“ დამარცხებაში დაეხმარა – 4:0.

ლიგის ძირითადი ეტაპის პირველ ტურში „პარი სენ-ჟერმენმა“ „ატალანტას“ უმასპინძლა. ხვიჩა კვარაცხელია ფრანგული გრანდის ძირითად შემადგენლობაში იყო, მოედანზე ერთ-ერთი გამორჩეული გახლდათ და 75-ე წუთზე შეცვალეს.

გატანილი ულამაზესი გოლის გარდა ხვიჩა მთელი მატჩი აქტიური იყო და მაღალი შეფასებაც დაიმსახურა.

სტატისტიკურმა გვერდმა Sofascore-მა კვარაცხელიას თამაში 8.5 ქულით შეაფასა და მხოლოდ ორ თანაგუნდელს ჩამორჩა : მარკინიოსს და ნუნუ მენდეშს.