ლუის ენრიკემ კვარაცხელია შეაქო ! -ესპანელი სპეციალისტის მატჩის წინა კომენტარი ქართველზე

ჩემპიონთა ლიგის "ფლეი ინის" გამეორებით შეხვედრაში დღეს "პსჟ" საკუთარ მოედანზე "ბრესტს" უმასპინძლებს. პარიზელებმა პირველი შეხვედრა 3-0 მოიგეს და მათი გასვლა შემდეგ ეტაპზე ნაკლებად დგას საფრთხის ქვეშ.

აღნიშნული მატჩის წინ პრესკონფერენცია ჰქონდა ლუის ენრიკეს, რომელმაც ბევრ საინტერესო თემასთან ერთად ხვიჩა კვარაცხელიაზეც ისაუბრა.

“კმაყოფილი ვარ თუ არა კვარაცხელიას თამაშით ? მისით ძალიან კმაყოფილი ვარ.

ის ახლახან მოვიდა და არ არის მარტივი გუნდთან მოკლე დროში შეთამაშება.

აშკარაა, რომ მას ადაპტაციისთვის გარკვეული დრო სჭირდება. მაგრამ მისი ქცევებით და ვარჯიშით კმაყოფილი ვარ. არსად გვეჩქარება.” – ამბობს პსჟ-ს მწვრთნელი.

შეგახსენებთ, რომ "პსჟ-ს" და "ბრესტის" შეხვედრა დღეს საქართველოს დროით 23:55 საათზე დაიწყება.