აგირეს პირველი სარაგოსული ქულა

სიახლეები / ფეხბურთი / უცხოური ფეხბურთი 23-ნოე, 12:179 FCB 1540


ესპანეთის ჩემპიონატის აუტსაიდერმა “სარაგოსამ” ახალი თავკაცის, ხავიერ აგირეს ხელმძღვანელობით ჩატარებული პირველი შეხვედრა ფრედ დაასრულა. პრიმერას მე-12 ტურის ბოლო მატჩში ესპანელი სპეციალისტის გუნდი ცხრილის ქვედა ნაწილში მყოფ “ხეტაფეს” სტუმრობდა.
34-ე წუთზე “სარაგოსას” ფეხბურთელებმა მეტოქე კონტრიერიშზე დაიჭირეს და ნიკოლას ბერტოლომ კარიდან გამოსული მასპინძელთა კიპერის, ხორდი კოდინას ჩამოშორების შემდეგ, დაახლოებით 30 მეტრიდან გახსნა ანგარიში. წონასწორობა მე-2 ნახევრის დასაწყისში აღდგა - ადრიან კოლუნგამ პენალტის ნიშნულიდან ლეო ფრანკოს შანსი არ დაუტოვა - 1:1.
იმის მიუხედავად, რომ “სარაგოსას” ბოლო ნახევარი საათი რიცხობრივ უმცირესობაში მოუწია ყოფნა (მოედნიდან ლეონარდო პონციო გააძევეს), სტუმრებმა ანგარიში უცვლელად შეინარჩუნეს და ესპანეთის ჩემპიონატში აგირეს დაბრუნება (ადრე ის “ატლეტიკოს” წვრთნიდა) ფრით აღნიშნეს. თუმცა, ბოლო ადგილს თავი მაიც ვერ დააღწიეს.

22 ნოემბერი
ხეტაფე, “კოლისეუმ ალფონსო პერესი”
ხეტაფე-სარაგოსა 1:1 (0:1)
ხეტაფე: კოდინა, მარკანო, რაფა ლოპესი, მანე, მიგელ ტორესი, კასკერო (გავილანი 52), ბოატენგი, კოლუნგა, დანიელ პარეხო, მანუ (არისმენდი 81), რიოსი (მიკუ 71).
მწვრთნელი: მიჩელი.
სარაგოსა: ფრანკო, კონტინი, იაროშიკი, ობრადოვიჩი (პარედესი 23), პონციო, გაბი, ედმილსონი, ბერტოლო, ლაფიტა, ხორხე ლოპესი (ბრაულიო 57), სინამა-პონგოლე (პინტერი 69).
მწვრთნელი: ხავიერ აგირე.
გოლები: 0:1 ბერტოლო (34), 1:1 კოლუნგა (49, პენ).
გაფრთხილება: მიგელ ტორესი (62), რაფა ლოპესი (90), მარკანო (90) _ სინამა-პონგოლე (48), პონციო (51), ედმილსონი (67).
გაძევება: პონციო (63).
მსაჯი: ტეიშეირა ვიტიენესი.
დარტყმა 21 (3)-10 (4); ჯარიმა 16-13; კუთხური 10-1; თამაშგარე 1-7; ბურთის ფლობა 70%-30%; სეივი 3-2.

ბომბარდირები
14 - კრიშტიანუ რონალდუ (“რეალი”); 13 - მესი (“ბარსელონა”); 9 - ლორენტე (“ბილბაო”); 8 - როსი (“ვილიარეალი”); 7 - ნილმარი (“ვილიარეალი”), იგუაინი (“რეალი”); 6 - ვილია (“ბარსელონა”), ტრეზეგე (“ერკულესი”), ფორლანი (“ატლეტიკო”); 5 - ნეგრედო (“სევილია”).
27 ნოემბერი
სარაგოსა - ვილიარეალი, სევილია - ხეტაფე, ატლეტიკო - ესპანიოლი.
28 ნოემბერი
სპორტინგი - სოსიედადი, ერკულესი - ლევანტე, რასინგი - დეპორტივო, მალიორკა - მალაგა, ბილბაო - ოსასუნა, ვალენსია - ალმერია.
29 ნოემბერი
ბარსელონა - რეალი.




მოგეწონათ ჩვენს მიერ შემოთავაზებული სტატია? გთხოვთ დააჭიროთ ღილაკს:

















მოიწონეთ სტატია


კომენტარები
გაუზიარეთ მეგობრებს
მსგავსი სიახლეები



შემოგვიერთდით
რეკლამა
არქივი
ივლისი 2020 (37)
ივნისი 2020 (111)
მაისი 2020 (126)
აპრილი 2020 (214)
მარტი 2020 (653)
თებერვალი 2020 (504)