"ის მე გამირბის " - რა განაცხადა არმან ცარუკიანმა ილიას დღევანდელი ბრძოლის შემდეგ 

ილია თოფურია UFC-ს მსუბუქი წონის (70კგ) ჩემპიონია. ლას ვეგასში გამართულ ღონისძიებაზე ქართველმა მებრძოლმა ბრაზილიის სახელით გამომსვლელი ჩარლზ ოლივეირა დაამარცხა.

 გამარჯვების შემდეგ ილია თოფურიამ პედი პიმბლეტს მიმართა და ერთგვარად გამოიწვია, ამ ფაქტის კი არმან ცარუკიანი სოციალურ ქსელში გამოეხმაურა:

"მისი მეტოქე ჩარლზი არ უნდა ყოფილიყო. ილიას გათიშვა მარტივად შემიძლია, ეს თავადაც იცის. სწორედ ამიტომ გაექცა ჩემთან ბრძოლას", - წერს ცარუკიანი X-ზე.

სავარაუდოა, რომ ილიას მომდევნო მეტოქე პედი პიმბლეტი ან ცარუკიანი იქნება, მაგრამ ექსპერტები ვარაუდობენ რომ არჩევანი ბრიტანელზე გაკეთდება, რადგან UFC-ს ილიას და პედის ბრძოლა გაცილებით მეტ თანხას მოუტანს.