„დიდი სლემის“ ტურნირების 20-გზის ჩემპიონი, შვეიცარიელი როჯერ ფედერერი შანხაის „მასტერსზე“ ითამაშებს. ის წყვილთა მატჩში მიიღებს მონაწილეობას ჩინელ „სელებრითებთან“ ერთად: მსახიობსა და რეჟისორთან, დონი იენთან, მსახიობ უ ლეემთან და ყოფილ პროფესიონალ ჩოგბურთელთან, ჟიე ჟენგთან ერთად. შეხვედრა, რომელსაც Roger and Friends Celebrity Doubles უწოდეს, 10 ოქტომბერსაა დაგეგმილი.
„ძალიან მოხაული ვარ შანხაიში Rolex Shanghai Masters-ის ტურნირზე დაბრუნებით. შანხაი ყოველთვის განსაკუთრებული ადგილი იყო ჩემთვის – მისი შესანიშნავი გულშემატკივრებით, დაუვიწყარი მოგონებებითა და ჩოგბურთისადმი ნამდვილი სიყვარულით. მოუთმენლად ველოდები 10 ოქტომბერს თქვენთან შეხვედრას“, – მოჰყავს ფედერერის სიტყვები ტურნირის პრესსამსახურს.
როჯერ ფედერერმა 2022 წლის სექტემბერში დაასრულა აქტიური კარიერა.
წყარო: 1tv.ge
