ხვიჩა კვარაცხელია სერია A-ს უახლოეს ტურში „კალიარის“ წინააღმდეგ შესაძლოა ძირითად შემადგენლობაში არ იყოს.
ამის შესახებ იტალიური მედია წერს, კონკრეტულად ნეაპოლური გამოცემები. ფრანჩესკო კალცონას არ მოეწონა ქართველი ფეხბურთელის დამოკიდებულება, როდესაც ის „ბარსელონასთან“ მატჩში შეცვალა და ვარაუდობენ, რომ კვარა სარდინიელთა წინააღმდეგ სათადარიგო სკამზე დარჩება.
გარდა ამისა, Il Mattino წერს, რომ აურელიო დე ლაურენტისი ხვიჩას დისციპლინურ დაჯარიმებაზე ფიქრობს. ჯერჯერობით, არ არის დაკონკრეტებული რა სახის ჯარიმა შეიძლება იყოს, მაგრამ გამოცემა წერს, რომ კლუბი უკმაყოფილოა მსგავსი დამოკიდებულებით, რადგან კვარას ასეთი რეაქცია პირველად არ ჰქონია.
თავის მხრივ, Goal Italia წერს, რომ კვარაცხელიას მომავალი „ნაპოლიში“ ბუნდოვანია და ხაზს უსვამს იმ გარემოებას, რომ კლუბში ერთ-ერთი ყველაზე დაბალანაზღაურებადი ფეხბურთელია 1.2 მილიონი ევროთი. გარდა იმისა, რომ ვიქტორ ოსიმენი წელიწადში 10 მილიონს გამოიმუშავებს, მატეო პოლიტანოსა (3.2) და ჯაკომო რასპადორისაც (2.5) უფრო მაღალი ხელფასი აქვთ. სწორედ ამიტომ, ფეხბურთელი ხშირად განერვიულებულია და ვეღარც ძველებურად თამაშობს.
შეგახსენებთ, რომ მიმდინარე სეზონში ხვიჩა კვარაცხელიამ ყველა ტურნირზე ჩატარებულ 32 შეხვედრაში 6 გოლი გაიტანა და 4 საგოლე პასი მიითვალა.
წყარო: მსოფლიო სპორტი
კვარაცხელიას სანქციები და ძირითადიდან ამოვარდნა ელოდება
23-02-2024, 13:15
კომენტარები
21-10-2024 09:26
266
"მას ფეხები არ უკანკალებს" - იტალიური მედია საბა გოგლიჩიძეს აქებს!
ვრცლად
20-10-2024 17:11
151
„უსაყვარლესი დათი“ – ზურიკო დავითაშვილის მეუღლე შვილის, ეროვნული ნაკრების ფორმაში გადაღებულ ფოტოს გვიზიარებს
ვრცლად
19-10-2024 10:04
639
„ერთად თამაშობდნენ. ამ ბიჭის გარდაცვალება გიორგისთვის უდიდესი ტკივილი იყო…“ - უმძიმესი პერიოდი გიორგი გოჩოლეიშვილის ცხოვრებაში
ვრცლად
18-10-2024 22:58
2 181
კვარა შეიძლება ძირითადში აღარ იყოს ? - რას აცხადებს ანტონიო კონტე
ვრცლად