ოთარ კიტეიშვილი ავსტრიის ბუნდესლიგის ტურის საუკეთესო მოთამაშედ აღიარეს  (ვიდეო)

ანალიტიკურმა პორტალმა, Sofascore-მა ​ოთარ კიტეიშვილი ავსტრიის ბუნდესლიგის 23-ე ტურის საუკეთესო მოთამაშედ დაასახელა და სიმბოლურ ნაკრებში შეიყვანა.

ავსტრიის ბუნდესლიგის საჩემპიონო ჯგუფში გრაცის „შტურმი“ ვენაში „აუსტრიას“ ესტუმრა და 5:2 გაიმარჯვა, ოთარ კიტეიშვილმა კი დუბლი შეასრულა.

Sofascore-მა კიტეიშვილის თამაში 9.7 ქულით შეაფასა, რაც არა მხოლოდ ამ მატჩში, არამედ მთლიანად ტურში საუკეთესო შეფასებაა. ამავე დროს ქართველი ნახევარმცველი მიმდინარე სეზონში 12 გოლითა და სამი საგოლე გადაცემით ბომბარდირთა დავაშიც პირველ ადგილზეა.

წყარო: 1tv.ge-sport