მამარდაშვილმა ტრავმა მიიღო და საავადმყოფოში გადაიყვანეს - რა ინფორმაციას ავრცელებს გუნდის მთავარი მწვრთნელი

ინგლისის პრემიერ ლიგის 33-ე ტურში, ლივერპული ევრტონს ესტუმრა და მეტოქე 2-1 დაამარცხა.

აღნიშნული მატჩის 58-ე წუთზე, ლივერპულის ქართველმა მეკარემ, გიორგი მამარდაშვილმა ტრავმა მიიღო და მოედანი ნაადრევად დატოვა. შეხვედრის შემდეგ, არნე სლოტმა მის ტრავმაზე კომენტარი გააკეთა.

"გიორგი მამარდაშვილს ჭრილობა აქვს და საავადმყოფოში გადაიყვანეს. ერთი შეხედვით, სერიოზული არაფერი უნდა იყოს და მის მალე დაბრუნებას უნდა ველოდოთ. ვნახოთ, რა მოხდება" — აღნიშნა არნე სლოტმა.

წყარო: primetime.ge