ვინ შეცვლის დისკვალიფიცირებულ კვარაცხელიას სომხეთთან მატჩში ?

როგორც მოგეხსენებათ სომხეთისა და საქართველოს ნაკრებს შორის გასამართ პირველ მატჩში ხვიჩა კვარაცხელია ვერ ითამაშებს.

მედიაში გავრცელებული ინფორმაციის თანახმად ვილი სანიოლი ჩვეულ ტაქტიკას არ უღალატებს და კვლავ 5-3-2 ტაქტიკით ითამაშებს. ამავე ინფორმაციის თანახმად ხვიჩა კვარაცხელიას სავარაუდოდ ბუდუ ზივზივაძე შეცვლის და შემტევ ხაზში ის გიორგი მიქაუტაძეს შეუწყვილდება.

შეგახსენებთ, რომ ევროპის ჩემპიონატის  საფლეიოფო შეხვედრაში ალბანეთის წინააღმდეგ სწორედ ბუდუ ზივზივაძემ შეცვალა კვარაცხელია და იმ მატჩში ბუდუმ გოლის გატანაც შეძლო.

ბოლო პერიოდში  „ჰაიდენჰაიმის“ ქართველი ფორვარდი მართლაც კარგ ფორმაშია, ჩვენებურმა ბოლო წინა მატჩში ბრწყინვალე გოლი გაიტანა, ბოლო შეხვედრაში კი გოლი და საგოლე გადაცემა მიითვალა.