საქართველოს ნაკრებმა ბულგარეთი მეორედაც დაამარცხა

საქართველოს ფუტსალის ეროვნულმა ნაკრებმა ევროპის ჩემპიონატის საკვალიფიკაციო ეტაპის მეინ რაუნდში, მესამე მატჩში ბულგარეთის ნაკრები პლოვდივში 5:1 დაამარცხა.

ავთანდილ ასათიანის გუნდმა ანგარიში ნიკა ხარატიშვილის გოლით გახსნა, გიორგი ღავთაძემ ჰეთთრიქი შეასრულა, ოთარ ბერეჩიკიძემ კი ნაკრებში სადებიუტო გოლი გაიტანა.

მომდევნო მატჩს საქართველოს ფუტსალის ნაკრები 11 აპრილს კოსოვოს წინააღმდეგ სტუმრად გამართავს. 16 აპრილს ჩვენი გუნდი მეინ რაუნდს საფრანგეთის ნაკრებთან საშინაო შეხვედრით დაასრულებს.

ოთხი მატჩის შემდეგ საქართველოს ნაკრებს 9 ქულა აქვს და ჯგუფში მეორე ადგილზეა. ევროპის ჩემპიონატის საგზურს მეინ რაუნდის ათი ჯგუფის გამარჯვებული მოიპოვებს, რვა საუკეთესო მეორეადგილოსანი კი საგზურისთვის ბრძოლას პლეი ოფში გააგრძელებს.

წყარო: 1tv.ge