ოფიციალურად - ჩაბი ალონსო „ლევერკუზენს“ ტოვებს, ცნობილია ესპანელის კონტრაქტის დეტალები მადრიდის „რეალთან“

„ლევერკუზენის“ მთავარმა მწვრთნელმა ჩაბი ალონსომ ოფიციალურად გამოაცხადა სეზონის შემდეგ გერმანული კლუბიდან წასვლის შესახებ.

პარალელურად, ცნობილი გახდა ალონსოს „რეალთან“ შეთანხმების დეტალები.

იტყობინებიან, რომ „რეალის“ ხელმძღვანელობამ და ამჟამინდელმა მთავარმა მწვრთნელმა კარლო ანჩელოტიმ „არსენალთან“ ჩემპიონთა ლიგის მატჩის შემდეგ მოილაპარაკეს დაშორების შესახებ. მადრიდული კლუბი იტალიელ სპეციალისტთან გრანდიოზულ გამოთხოვებას გეგმავს.

აღნიშნავენ, რომ „რეალი“ მოელაპარაკა ჩაბი ალონსოს სამწლიან კონტრაქტზე. ის ახალ კლუბში საკუთარი სამწვრთნელო ჯგუფით მივა. ალონსოს დაეხმარებიან მწვრთნელები ფიზმომზადებაში ალბერტო ენსინასი და სებას პარილია. მეკარეების მწვრთნელი ლუის ლოპისი, რომელიც ანჩელოტის დროს მუშაობდა, გუნდში დარჩება.

ალონსოსთან მოლაპარაკებების მთავარი საკითხი იყო შემადგენლობის გაძლიერება. კლუბი აპირებს ახალი მწვრთნელის მოთხოვნების შესრულებას, კერძოდ, ცენტრალური ნახევარმცველისა და ცენტრალური მცველის შეძენას.

ელოდებიან, რომ კარლო ანჩელოტი „რეალის“ დატოვების შემდეგ ბრაზილიის ნაკრებს ჩაუდგება სათავეში. „რეალს“ კლუბებს შორის მსოფლიო ჩემპიონატზე სანტიაგო სოლარი უხელმძღვანელებს.

წყარო: 1 tv.Ge - Sport