"ჩვენ ის მიწაზე დავაბრუნეთ "

ხვიჩა კვარაცხელიას „პარი სენ-ჟერმენი“ მსოფლიოს საკლუბო ჩემპიონატზე დამარცხდა. ჯგუფური ეტაპის მეორე ტურში, ქართველი ფეხბურთელის გუნდი „ბოტაფოგოს“ დაუპირისპირდა და მინიმალური ანგარიშით წააგო.

"კვარაცხელიამ საოცარი სეზონი ჩაატარა, თუმცა დღეს მოედანზე პატივისცემა დააკლდა — ამიტომ ჩვენთან მიწაზე დაეშვა!" - მატჩის შემდეგ ეს განცხადება "ბოტაფოგოს" ფეხბურთელმა ალანმა გააკეთა.

ამჟამად პსჟ-ს ჯგუფში 3 ქულა აქვს, ასევე 3 ქულა აქვს მადრიდის ატლეტიკოს. ჯგუფს ბოტაფოგო ლიდერობს 6 ქულით, სიეტლი კი ბოლო ადგილზეა 0 ქულით.

ბოლო ტურის მატჩს "პსჟ" 23 ივნისს "სიეტლის" წინააღმდეგ გამართავს.