ლუის ენრიკემ ხვიჩა კვარაცხელიას ტრავმაზე კომენტარი გააკეთა

„პარი სენ-ჟერმენის“ მწვრთნელმა ლუის ენრიკემ „ლანსთან“ (2:0) გამარჯვების შემდეგ განაცხადა, რომ ხვიჩა კვარაცხელიას, კან-ინ ლისა და ლუკას ბერალდოს ტრავმებთან დაკავშირებით ინფორმაცია ჯერ არ აქვს და სამედიცინო შემოწმების პასუხებს ელოდება.

„რთული პერიოდია, რადგან რამდენიმე ფეხბურთელი დაგვაკლდა, მაგრამ გვჯერა გუნდის ძალისა. მთავარია ჩემპიონთა ლიგისთვის მზადება. იმედი მაქვს, ოთხშაბათი კარგი დღე იქნება,“ – თქვა ენრიკემ.

„პარი სენ-ჟერმენი“ ოთხი ტურის შემდეგ 12 ქულით ლიდერია, 17 სექტემბერს „ატალანტას“, ხოლო 21 სექტემბერს „მარსელს“ შეხვდება.