"იუვენტუსის ეს ფეხბურთელი ძალიან ჰგავს ხვიჩა კვარაცხელიას" - ლუჩიანო სპალეტი

"იუვენტუსის" მთავარი მწვრთნელი ლუჩანო სპალეტი ჩემპიონთა ლიგის მატჩის წინ ლისაბონის "სპორტინგთან" გამართულ პრესკონფერენციაზე ახალგაზრდა ქენან ილდიზზე ისაუბრა და ის ხვიჩა კვარაცხელიას შეადარა.

„ილდიზს ვკითხე, რომელ პოზიციაზე ურჩევნია თამაში. მან მითხრა, რომ მარცხენა ფლანგზე დაწყება და შემდეგ ცენტრისკენ შესვლა უყვარს — ეს იდეალურად შეესაბამება ჩემს ხედვას. მისი საუკეთესო პოზიცია მეორე ფორვარდია ან გარემარბი.

ტექნიკური უნარებით ქენანი ხვიჩა კვარაცხელიასა და ანტონიო დი ნატალეს მაგონებს. ასეთი ფეხბურთელები მხოლოდ თამაშებზე კი არა, ვარჯიშებზეც ბრწყინავენ,“ — განაცხადა სპალეტიმ.

შეგახსენებთ, რომ "იუვენტუსისა" და "სპორტინგის" დაპირისპირება დღეს, 4 ნოემბერს, თბილისის დროით 23:59 საათზე დაიწყება.