ფრანგები ხვიჩა კვარაცხელიას აკრიტიკებენ

RMC Sport-ზე ხვიჩა კვარაცხელიას გააკრიტიკეს

RMC Sport-ის გადაცემაში After Foot ფრანგმა ჟურნალისტებმა დანიელ რიოლომ და ვალიდ აშერშურმა ხვიჩა კვარაცხელიას შესახებ ისაუბრეს.

გასულ კვირას კვარამ ლიონის წინააღმდეგ გაიტანა და პსჟ-ს 3:2 მოაგებინა, თუმცა ფრანგ მედიაში მისი თამაში მაინც კრიტიკის საგანი გახდა.

რიოლო ამბობს: „ლუის ენრიკემ მომდევნო კვირებში რამდენიმე მოთამაშესთან სერიოზულად უნდა ილაპარაკოს, მათ შორის კვარაცხელიასთანაც.“

აშერშურის თქმით, კვარა „ნაპოლის დროინდელი ფორმიდან შორსაა“:

„ისევე კარგად დაიწყო, როგორც ნაპოლიში, მაგრამ ახლა თითქოს ინტერესს კარგავს. ლიგა 1 თითქოს დიდად არ ანაღვლებს. მისგან, როგორც შეტევის ლიდერისგან, მეტი უნდა მოვითხოვოთ.“

კვარაცხელიას Ligue 1-ში 10 მატჩში 1 გოლი და 2 ასისტი აქვს, ხოლო ყველა ტურნირზე – 3 გოლი და 3 საგოლე პასი.
ახლა ის საქართველოშია, სადაც ნაკრებთან ერთად ესპანეთისა და ბულგარეთის წინააღმდეგ მატჩებისთვის მოემზადება.
ხვიჩა ტოპლიგებში 33 გოლით ქართველ ბომბარდირთა შორის პირველია, ლევან კობიაშვილსა და ალექსანდრე იაშვილს გადაასწრო.