გაზეთ „სარბიელის“ ტრადიციული გამოკითხვის შედეგად, ხვიჩა კვარაცხელია საქართველოს 2024-2025 წლების სეზონის საუკეთესო ფეხბურთელიგახდა – ინფორმაციას გამოცემა აქვეყნებს.
საქართველოს 2024-2025 წლების სეზონის საუკეთესო ფეხბურთელთა სამეული ასეთია:
1. ხვიჩა კვარაცხელია („პარი სენ-ჟერმენი“, საფრანგეთი) – 232 ქულა
2. გიორგი მიქაუტაძე („ვილიარეალი“, ესპანეთი) – 96 ქულა
3. გიორგი მამარდაშვილი („ლივერპული“, ინგლისი) – 61 ქულა
„სარბიელის“ ტრადიციულ გამოკითხვაში ხვიჩა კვარაცხელია პირველ ადგილზე 78-დან 77-მა სპორტულმა ჟურნალისტმა დაასახელა, საქართველოს ნაკრების ლიდერი მხოლოდ ერთი ჟურნალისტის ანკეტაში მოხვდა მე-3 პოზიციაზე. კვარაცხელიასთვის ეს საქართველოს საუკეთესო ფეხბურთელის მესამე ტიტულია, რითაც გაუთანაბრდა შოთა არველაძეს.
პსჟ-ის ქართველ ვარსკვლავს მოქანდაკეების – ლევან ვარდოსანიძისა და თემურ ლომიძის მიერ დამზადებული ექსკლუზიური პრიზი (იასონ კვირკველიას ფიგურა კინოფილმიდან – „პირველი მერცხალი“) უახლოეს მომავალში გადაეცემა.
