გიორგი მიქაუტაძემ 2026 წლის პირველი შეხვედრა შესანიშნავად ჩაატარა და „ელჩესთან“ გასვლით მატჩში „ვილიარეალის“ გამარჯვებაში მთავარი როლი ითამაშა – 3:1.
„ვილიარეალმა“ ანგარიში მე-7 წუთზე გახსნა – ქართველის საგოლე გადაცემით მასპინძლებს ალბერტო მოლეირომ გაუტანა. მე-13 წუთზე კი ნიკოლას პეპეს გადაცემით მიქაუტაძემ ანგარიში ორამდე გაზარდა.
„ელჩემ“ 30-ე წუთზე მარტიმ ნეტოს დარტყმით სხვაობა მინიმუმამდე შეამცირა, 83-ე წუთზე კი საბოლოო ანგარიში ალფონსო პედრაზამ დააფიქსირა.
მეორე ტაიმში მიქაუტაძეს დუბლის შესრულება შეეძლო, მაგრამ მშვენიერი შანსით ვერ ისარგებლა. ქართველი ფორვარდი 75-ე წუთზე შეცვალეს, „ფლეშსკორმა“ მისი თამაში 8.1 ქულით შეაფასა და მატჩის საუკეთესო მოთამაშედ დაასახელა.
გიორგი მიქაუტაძემ მიმდინარე სეზონში მე-4 გოლი გაიტანა და მე-3 საგოლე გადაცემა ჩაიწერა.
წყარო: 1tv.ge
