კრიშტიანუ რონალდუ, "ოქროს ბურთის"მრავალგზის მფლობელი, უკანასკნელი ოცი წლის მანძილზე მსოფლიოს ერთ-ერთ საუკეთესო ფეხბურთელად ითვლება.
გარდა იმისა, რომ სპორტულ კარიერაში უამრავი მიღწევა აქვს, საკმაოდ სიმპატიური გარეგნობის წყალობით ხშირად მონაწილეობს სარეკლამო რგოლებში და მშვენიერი სქესის წარმომადგენლების ნამდვილი გულთამპყრობელია. თუმცა მისთვის არც უხეში ქმედებებისა თუ საფეხბურთო მოედანზე დაშვებული შეცდომების გამო კრიტიკაა უცხო.
მიუხედავად ამ ყველაფრისა, რამდენიმე ხნის წინ რონალდუს საქციელმა გულშემატკივრები განსაკუთრებით ააფორიაქა.
ფეხბურთელი საფეხბურთო მოედანზე თავისებური ვარცხნილობით წარდგა, რამაც ბევრის ყურადღება მიიპყრო. მას კეფაზე ორი სწორი ხაზი ჰქონდა, რასაც სტილისტის შეცდომას ნამდვილად ძნელად თუ დაარქმევდით.
ბევრმა გადაწყვიტა, რომ ეს მორიგი მოდური ტრენდი იყო, ზოგმა კი ჩათვალა, რომ ორი ხაზი გარკვეულ სიმბოლოს წარმოადგენდა.
სინამდვილეში კი საქმე შემდეგში ყოფილა:
როგორც აღმოჩნდა, კრიშტიანუ საქველმოქმედი საქმიანობას ეწევა და ცოტა ხნის წინ კიბოთი დაავადებული ბიჭუნას ოპერაციის თანხა გადაიხადა. ოპერაციის შემდეგ პატარას კეფაზე ორი შრამი დარჩა. ბიჭუნას მხარდასაჭერად, ფეხბურთელმა თავადაც გაიკეთა მსგავსი ზოლები...
