"შემოთავაზების მსგავსი არაფერი არ ყოფილა [გიორგი გახარიასგან]. იყო მარტივი რამ. გურიაში შევხვდით შემთხვევით. დაინტერესდა, რატომ ვიყავით ჩვენ გურიაში. არ ვიცნობდით საერთოდ ბატონ გიორგის. ასე შორიდან იმან იცოდა, ვინ ვიყავი და მე ვიცოდი, ვინ იყო. რომ გამოვესაუბრეთ, აქ ამიტომ და ამიტომ ვარ-მეთქი. გვაქვს ოზურგეთში მოცვის პლანტაცია და ამ საკითხზე ვართ მერიაში მოსული-მეთქი, რაღაცას ვარკვევდით. ძაან მინდა ნახვაო. წარმოგიდგენია, ადამიანი, ყოფილი პრემიერმინისტრი ჩემთვის და არა მგონია სხვა ბევრისთვისაც არ იყოს რაღაც დონეზე, ვიღაცისთვის ძალიან, ვიღაცისთვის ნაკლებად პატივსაცემი ადამიანი, გეუბნება, რომ წამოდი, მაჩვენე, რას აკეთებ. დიდი სიამოვნებით, რა თქმა უნდა-მეთქი. ვაჩვენე, დაინტერესდა, შემეკითხა, მერე მე შევეკითხე, მერე ის, მერე ეს და ასე დაიწყო ეს ურთიერთობა. მერე ეს სურათებიც დაიდო სოციალურ ქსელში და სოციალური ქსელიდან, როგორც გვჩვევია, პირდაპირ გამაქანეს ქალაქის მერად. მერი არა ვარ მე? სადაც მინდა, მივდივარ, სადაც მინდა, მოვდივარ, როცა მინდა, ვდგები, როცა მინდა, ვწვები, რასაც მინდა, ვჭამ, რასაც მინდა, ვსვამ. გურიიდან თბილისამდე რამდენი სოფელიცაა, ერთის გამოტოვებით, დავაკაკუნებ და გამიღებენ კარს და მეტყვიან, შემოდიო, თუ ყველგან არა.
არც მანამდე მნდომია, არც ახლა მინდა პოლიტიკა. როგორ შეიძლება, რომ გინდოდეს? ამის შემხედვარე, რაც ჩვენ გარშემო ხდება, როგორც ესენი ლანძღავენ ერთმანეთს, როგორი ზიზღით, რატომ უნდა მინდოდეს?"
ამის შესახებ მაესტროს ეთერში, გადაცემაში აი უცნობი ფეხბურთელმა, აჩი არველაძემ ისაუბრა. მას შემდეგ, რაც სოციალურ ქსელ Facebook-ზე გავრცელდა ძმები არველაძეებისა და ყოფილი პრემიერის, გიორგი გახარიას ფოტოები, მედია წერდა, რომ აჩი არველაძე, შესაძლოა, პარტია საქართველოსთვის მერობის კანდიდატი იყოს.
არველაძე: რატომ უნდა მინდოდეს პოლიტიკაში? არც გახარიასგან მქონია შემოთავაზება
13-08-2021, 15:32
გაზიარება
მოინახულეს 2 899-ჯერ
კომენტარები
29-03-2024 10:19
0
🎥 რა უთხრა კვარაცხელიამ თანაგუნდელებს მოედანზე გასვლამდე? – სიტყვები, რომლებზეც ყველა თანაგუნდელს ცრემლები მოადგა
ვრცლად
29-03-2024 09:50
51
"პირველ ადგილზე უკრაინელები არიან, ისინი იმსახურებენ გამარჯვებას და მერე ჩვენ" - როგორ ეხმაურება გუბაზ სანიკიზე საქართველოს ნაკრების გამარჯვებას? (ვიდეო)
ვრცლად
29-03-2024 08:38
251
„დიდი გამარჯვების შემდეგ“ – ეროვნული ნაკრების წევრებისა და მათი მეუღლეების ფოტოები წვეულებიდან
ვრცლად
28-03-2024 12:59
360
„კვარა, ბუდუ, ზურიკო…“ – სად აღნიშნეს ბიჭებმა დავითაშვილის შვილის ნათლობა
ვრცლად