შოთა არველაძის ახალი გუნდი სულ უფრო რეალური ხდება - ინფორმაციას თავად სპეციალისტი ადასტურებს

რამდენიმე დღის წინ თურქული გამოცემები აქტიურად ავრცელებდნენ ინფორმაციას, რომ შოთა არველაძე უახლოეს მომავალში ინგლისური ჩემპიონშიფის ბინადარ "ჰალ სიტის" ჩაიბარებს.

საქმე ისაა, რომ ახლო მომავალში ამ კლუბს შეიძენს თურქი ბიზნესმენი ალი აქუნ ილიჩალი, რომლის დიდი სურვილია, მთავარი მწვრთნელის პოსტი სწორედ შოთას ჩააბაროს.

დღეს კი ქართველმა სპეციალისტმა სოციალურ ქსელში სურათი გამოქვეყნა წარწერით: "ვემზადები ინგლუსის გამოცდისთვის და ახალი გამოწვევისთვის"



ამ სტატუსით არველაძემ ირიბად დაადასტურა, რომ სწორედ ინგლისში გააგრძელებს თავის სამწვრთნელო კარიერას.