"ნაპოლის" მთავარმა მწვრთნელმა ვალტერ მაცარიმ "იუვენტუსთან" (0:1) მატჩის შემდეგ, ჟურნალისტებთან სხვადასხვა თემების შესახებ ისაუბრა. იტალიელმა კომენტარი ხვიჩა კვარაცხელიაზეც გააკეთა და განაცხადა, რომ ქართველი მის უკან მდგომი განაპირა მცველისგან საკმარის დახმარებას ვერ იღებს.
"ჩემმა ფეხბურთელებმა შესანიშნავად ითამაშეს, თითქმის მთელი მეორე ტაიმის განმავლობაში "იუვენტუსი" საკუთარ საჯარიმოში მოქმედებდა და წინსვლას ვერ ახერხებდნენ. ჩემი აზრით, თუ ასე გავაგრძელებთ, ზედიზედ რამდენიმე მატჩის მოგებას ძალიან მალე შევძლებთ. მომენტებს ვერ ვიყენებთ, არ გვიმართლებს.. თუმცა ვაღიარებ, რომ გარკვეულ ასპექტებზე სამუშაო გვაქვს, წინააღმდეგ შემთხვევაში აქ არ ვიქნებოდი.
რატომ ვეღართამაშობს ძველებურად კვარაცხელია? ტიტულის მოგების შემდეგ, მეტოქეები შენი საუკეთესო მოთამაშეების თამაშს სწავლობენ. კვარაცხელია ძალიან ძლიერი ფეხბურთელია. მოგეხსენებათ, დაცვის მარცხენა ფლანგზე ტრავმირებული მოთამაშეები გვყავს, ეს კი "კვარას" თამაშზე გავლენას ახდენს. მას ფლანგზე არ ჰყავს პარტნიორი, რომელიც თუნდაც ერთ მეტოქეს მაინც მოაშორებს და მეტ თავისუფლებას მისცემს. ძანოლის მოედანზე შემოსვლის შემდეგ, ხვიჩა თავს უკეთესად გრძნობდა", - განაცხადა მაცარიმ.
„ნაპოლი“ 24 ქულით ჯერჯერობით მეხუთე ადგილზეა და შემდეგ შეხვედრას 13 დეკემბერს ჩემპიონთა ლიგაზე „ბრაგასთან“ გამართავს.
წყარო: sportall.ge/
"გეტყვით, კვარაცხელიას რატომ უჭირს" - რა თქვა მაცარიმ
10-12-2023, 19:23
გაზიარება
მოინახულეს 700-ჯერ
კომენტარები
30-04-2024 08:02
133
მამარდაშვილი ბარსასთან გააძევეს (ვიდეო)
ვრცლად
29-04-2024 15:36
109
ქართველმა მოკრივემ რუს მეტოქესთან ორთაბრძოლის გაგრძელებაზე უარი თქვა - რა მოხდა ევროპის ჩემპიონატზე?
ვრცლად
28-04-2024 10:27
3 550
დასახელდა მთავარი მიზეზი, რის გამოც კვარაცხელიას ბევრი გოლი ვერ გააქვს
ვრცლად
28-04-2024 10:21
655
რა კომენტარებს წერენ იტალიელი ქომაგები ხვიჩას შესახებ, მას შემდეგ რაც ცნობილი გახდა რომ კვარა შესაძლოა ბარსელონაში გადავიდეს
ვრცლად