![](https://sport24.ge/uploads/posts/2024-07/1721940853_438158349_995193688901880_5091208989344057033_n.jpg)
ზურიკო დავითაშვილმა ევროპის ჩემპიონატზე თურქეთთან მოახლოებული პირველი მატჩისთვის მზადებაზე ისაუბრა. საქართველოს ნაკრებისა და „ბორდოს“ შემტევი ნახევარმცველი იმედოვნებს, რომ გუნდში არსებული გარემო შედეგებზეც აისახება.
„მაქსიმალური მონდომებით ვემზადებით. ჯერჯერობით უფრო მეტად საკუთარ თავზე ვართ კონცენტრირებულნი, თუმცა ვიწყებთ მეტოქის განხილვასაც. იმედია, ყველაფერს ისე გავაკეთებთ, როგორც საჭიროა და სასურველ შედეგს მივაღწევთ.
სასიამოვნოა, როდესაც შენი ქვეყნიდან ვარჯიშზეც კი ამდენი გულშემატკივარი მოდის. თამაშზე ბევრად მეტი ქომაგი იქნება, რაც მოტივაციას შეგვმატებს.
ევროპის ჩემპიონატზე ერთ-ერთი მთავარი ფაქტორი ფსიქოლოგიური მზადყოფნაა. ჩემი აზრით, ყველაფრისთვის მზად ვართ, რაც თითოეულ მოთამაშეს ეტყობა. გუნდში ძალიან მაგარი გარემოა და იმედია, ამ ყველაფერს თამაშის დროს მოედანზე გადავიტანთ“.
16 ივნისს საქართველოს ნაკრების ვარჯიში დახურული იქნება. 17 ივნისს „ჯვაროსნები“ დორტმუნდში, თურქეთთან მატჩის მასპინძელ სტადიონ „BVB არენაზე“ ივარჯიშებენ. ევროპის ჩემპიონატზე აკრედიტებული მედიისთვის ვარჯიშის საწყისი 15 წუთი ღია იქნება. საწვრთნელი პროცესის დაწყებამდე წინასამატჩო პრესკონფერენცია გაიმართება.
შეგახსენებთ, რომ საქართველოს ნაკრები ევროპის ჩემპიონატზე პირველ შეხვედრას 18 ივნისს თურქეთთან გამართავს. მატჩი დორტმუნდში საქართველოს დროით 20:00 საათზე დაიწყება.
![სასიხარულო ინფორმაცია მათთვის, ვინც საქართველო-ჩეხეთის მატჩის ბილეთები ვერ შეიძინა სასიხარულო ინფორმაცია მათთვის, ვინც საქართველო-ჩეხეთის მატჩის ბილეთები ვერ შეიძინა](/uploads/posts/2024-09/1725697201_mikheil-meskhis-sakhelobis-stadioni-reabilitatsiis-shemdeg_w_h.jpeg)
![მოგების უფრო დიდი შანსი ჩეხეთის ნაკრებს აქვს. იმედი მაქვს, 3 ქულა ჩვენ დაგვრჩება - ჩეხეთის ნაკრების კაპიტანი მოგების უფრო დიდი შანსი ჩეხეთის ნაკრებს აქვს. იმედი მაქვს, 3 ქულა ჩვენ დაგვრჩება - ჩეხეთის ნაკრების კაპიტანი](/uploads/posts/2024-09/1725652687_f5be5920-6c6b-11ef-92b1-9980660ab4f9-1.jpg)
![„უკეთესი გუნდი გავხდით, თუმცა ამ ჯგუფში იოლი თამაშები არ გვექნება“ - გურამ კაშია „უკეთესი გუნდი გავხდით, თუმცა ამ ჯგუფში იოლი თამაშები არ გვექნება“ - გურამ კაშია](/uploads/posts/2024-09/1725612730_guram-kashia_w_h.jpeg)
![ქართველი ძიუდოისტი ნინო ლოლაძე ევროპის ვიცე-ჩემპიონია ქართველი ძიუდოისტი ნინო ლოლაძე ევროპის ვიცე-ჩემპიონია](/uploads/posts/2024-09/1725595723_ae16ba30-6ba1-11ef-949a-fd50487c81ec.png)