"ის სულ უფრო და უფრო უკეთესი ხდება" - ლუის ენრიკე ხვიჩას თამაშით აღფრთოვანებულია

"ლივერპულთან" განმეორებითი შეხვედრის წინ "პსჟ-მ" საფრანგეთის ჩემპიონატში კვლავ ბრწყინვალე მატჩი ჩაატარა და "რენი" 4-1 დაამარცხა.

მატჩის შემდეგ კომენტარი ლუის ენრიკემ გააკეთა, სადაც ბევრ საკითხთან ერთად ხვიჩა კვარაცხელიას შესახებაც ისაუბრა.

“ფეხბურთელების გამორჩევა არ მიყვარს, მაგრამ მაინც კვარას გამოვარჩევდი. თამაშს სულ უფრო აუმჯობესებს და გუნდთან მეტად შეთამაშებული ხდება, ამის ყურება დიდი სიამოვნებაა.

ხვიჩა ზამთრის სატრანსფერო ფანჯრის დროს შემოგვიერთდა, თუმცა, ვფიქრობ, ფეხბურთის ყველა გულშემატკივარმა, რომელსაც უნახავს მისი მატჩები საქართველოს ნაკრებში თუ „ნაპოლიში“, იცის მისი პოტენციალი.

კვარა ყოველ თამაშში უკეთესი ხდება” – განაცხადა ენრიკემ.