"ნაპოლიდან" თურქულ "გალათასარაიში" განათხოვრებულმა ვიქტორ ოსიმენმა, ჯონ ობი მიკელთან პოდკასტში ყოფილი თანაგუნდელის, ხვიჩა კვარაცხელიას შესახებ ისაუბრა.
ნიგერიელის თქმით, ქართველი შემტევი დიდ გუნდში გადასვლას იმსახურებდა.
"ხვიჩასთან შესანიშნავი ურთიერთობა მაქვს, მოედანს მიღმა საოცარი ადამიანია. მოედანზე კი, ყველამ ვიცით რისი გაკეთებაც შეუძლია. ვიცოდი, რომ ადრე თუ გვიან დიდ ნაბიჯს გადადგამდა და ეს აუცილებლად მოხდებოდა.
როცა "კვარა" პსჟ-ში გადავიდა, ვუთხარი: შენ ეს დაიმსახურე, ახლა კი წადი პარიზში და სიამოვნება მიიღე. ვიცი, რომ იქ გასაოცარ რაღაცებს გააკეთებ... ხვიჩას შეუძლია უმაღლესი მწვერვალები დაიპყროს", - განაცხადა ოსიმენმა მიკელთან ინტერვიუში. გააგრძელეთ ინტერვიუ
