საქართველოს ეროვნული ნაკრების თავდამსხმელი გიორგი მიქაუტაძე შესაძლოა ახალ საფეხურზე გადავიდეს – გავრცელებული ინფორმაციით, მისი გადაბირებით ინგლისის გრანდი „მანჩესტერ იუნაიტედი“ ინტერესდება.
ბრიტანულ მედიაში ვრცელდება ინფორმაცია, რომ „წითელი ეშმაკების“ სკაუტები მიქაუტაძის თამაშს როგორც "ლიონში" , ასევე საქართველოს ნაკრებში აკვირდებოდნენ. თავდამსხმელის პრაგმატული სტილი, მობილურობა და გოლის ალღო „იუნაიტედის“ სათამაშო სტილს კარგად ერგება.
Daily Mail-ის ცნობით, კლუბი ცდილობს ახალი სეზონისთვის შეტევის ხაზი გააძლიეროს, რადგან გუნდის მთავარ მწვრთნელს არ სურს მხოლოდ ჰოილუნდზე იყოს დამოკიდებული, გიორგი მიქაუტაძე კი ერთ-ერთი კარგი ვარიანტი.
მიქაუტაძეს თავის მხრივ ძალიან კარგი სეზონი ჰქონდა "ლიონში" , ის გახდა გუნდის ერთ-ერთი საუკეთესო ბომბარდირი და გადამწყვეტი გოლებით დაეხმარა „ლიონს“ ევროპულ ზონაში მოხვედრაში. ფეხბურთელის ღირებულება ბოლო რამდენიმე თვეში საგრძნობლად გაიზარდა.
რამდენად რეალურია ტრანსფერი? „ლიონი“ მიქაუტაძეს გაშვების წინააღმდეგი არ არის, მაგრამ ფასს ადებს: ტრანსფერის სავარაუდო ღირებულება: 25–30 მილიონი ევროა.
აქვე გეტყვით, რომ "მანჩესტერთან" ერთად ქართველის შეძენი დაინტერესებულია ასევე „ფულჰემი“ და „ვესტ ჰემი.“
გიორგი მიქაუტაძე, მიქაუტაძე, მანჩესტერი, მანჩესტერ იუნაიტედი, ფულემი, ვესტ ჰემი, ლიონი
