ცუდი ინფორმაცია "პსჟ-ს" ბანაკში

"პარი სენ-ჟერმენს" ტრავმირებულთა რიცხვს გუნდის კაპიტანი და ლიდერი მარკინიოსი შეემატა და გუნდის დახმარებას მინიმუმ 3-4 კვირის განმავლობაში ვერ შეძლებს.

აღნიშნულ ინფორმაციას ფრანგული გამოცემა Canal Supporters-ი ავრცელებს. წყაროს ცნობით, ბრაზილიელ ფეხბურთელს ოთხთავა კუნთის მძიმე დაზიანება აქვს და მოედანზე გასვლას დაახლოებით ერთი თვე ვერ შეძლებს.

პარიზული კლუბის ლაზარეთში მარკინიოსის გარდა, უსმან დემბელე, დეზირე დუე, ბრედლი ბარკოლა და ჟოაო ნევეში არიან.

შეგახსენებთ, რომ "პარი სენ-ჟერმენი" მომდევნო მატჩს ლიგა 1-ში "ოსერის" წინააღმდეგ 27 სექტემბერს გამართავს, ხოლო ჩემპიონთა ლიგაზე მათი მეტოქე "ბარსელონა" იქნება, აღნიშნული დაპირისპირება 1 ოქტომბერს გაიმართება.

წყარო: wordlsport.ge