საქართველოს ძიუდოისტთა ნაკრების შემადგენლობა 2025 წლის ძიუდოს მსოფლიო ტურის ბოლო და ერთ-ერთი ყველაზე პრესტიჟული ტურნირისთვის, ტოკიოს გრანდ სლემისთვის ცნობილია.
იაპონიის დედაქალაქში შეჯიბრება 6-7 დეკემბერს გაიმართება, ხოლო საქართველოს ნაკრები რვა წონაში 13 ძიუდოისტით იასპარეზებს. მსოფლიო ჩემპიონატის შემდეგ პირველად იჭიდავებს ორგზის ოლიმპიური ჩემპიონი ლაშა ბექაური. ტოკიოს გრანდ სლემზე დარეგისტრირებული არ არის მსოფლიოს სამგზის ჩემპიონი ტატო გრიგალაშვილი.
იაპონიაში ჩასატარებელ ტურნირამდე ქართველი ძიუდოისტები ზაგრების გრან პრიზე გამოვლენ.
საქართველოს ნაკრების შემადგენლობა:
მამაკაცები:
73 კგ – ლაშა შავდათუაშვილი, გიორგი ტერაშვილი
81 კგ – ზაურ დვალაშვილი
90 კგ – ლაშა ბექაური, ლუკა მაისურაძე
100 კგ – ილია სულამანიძე, ნიკა ხარაზიშვილი
+100 კგ – გურამ თუშიშვილი, ირაკლი დემეტრაშვილი
ქალები:
57 კგ – ეთერ ლიპარტელიანი, ნინო ლოლაძე
70 კგ – მარიამ ჭანტურია
+78 კგ – სოფიო სომხიშვილი.
