ვასილი უტკინმა კიდევ ერთხელ გაჰკრა კბილი არტიომ ძიუბას. ცნობილმა ჟურნალისტმა, რომლის აზრსაც ანგარიშის უწევენ იქაურ საფეხბურთო წრეებში, რუსეთის ნაკრების კაპიტანს "საკუთარ თავზე შეყვარებული წიწაკა" უწოდა.
საინტერესოა, რა ფაქტზე ამახვილებს ყურადღებას უტკინია: "აბა, როგორ არ უნდა მიყვარდეს ძიუბუშკა?!. ბიჭმა ჯიქიას კაპიტნის სამკლაური წაართვა და ისე მივიდა გულშემატკივრებისთვის მადლობის მოსახდელად. ის არის საკუთარ თავზე ფენომენალურად შეყვარებული წიწაკა! ბელგიის მერე როგორ იყო? ისე გავიდა მოედნიდან გულშემატკივარი არ გახსენებია", - დაწერა უტკინმა საკუთარ "ტელეგრამ-არხზე".
ჩვენ კი შეგახსენებთ, რა შუაშია აქ გიორგი ჯიქია და კაპიტნის სამკლაური. საქმე ისაა, რომ ფინეთის ნაკრებთან შეცვლის შემდეგ ძიუბამ სამკლაური ჯიქიას გადასცა, როგორც ვიცე-კაპიტანს, ხოლო თამაშის შემდეგ, ეტყობა, უკან დაიბრუნა (თუ წაართვა...)...
სტატიის წყარო:
