დღის ახალი ამბები

სიღარიბეში გაზრდილმა მსოფლიო ჩემპიონმა მშობლიურ მხარეში გაჭირვებულებს სოფელი აუშენა და სახლები აჩუქა

სიღარიბეში გაზრდილმა მსოფლიო ჩემპიონმა მშობლიურ მხარეში გაჭირვებულებს სოფელი აუშენა და სახლები აჩუქა
20-11-2021, 13:13

ის ერთადერთი მოკრივეა, რომელმაც მსოფლიო ჩემპიონობა რვა სხვადასხვა წონით კატეგორიაში მოიპოვა. წლების წინათ კი ფილიპინების უღარიბეს სოფელ ტანგოში ცხოვრობდა და სრულფასოვანი კვება ენატრებოდა.

მენი პაკიანო ღარიბ, მრავალშვილიან ოჯახში დაიბადა. მშობლებს რომ დახმარებოდა, 12 წლის ბიჭუნამ სკოლა მიატოვა და ქუჩაში ფუნთუშების გამყიდველად დაიწყო მუშაობა.

მენის კრივი პატარაობიდან იზიდავდა, მაგრამ ოჯახს მწვრთნელის დაქირავების საშუალება არ ჰქონდა და ბიჭუნას პირველი მწვრთნელი ბიძა გახდა.
„მენი დილის გარბენისთვის ღამის 4 საათზე დგებოდა და თავდაუზოგავად ვარჯიშობდა. ექვსი თვის შემდეგ დავრწმუნდი, რომ მისგან აუცილებლად მსოფლიო ჩემპიონი დადგებოდა და ასეც მოხდა“, - ამბობს ჩემპიონის ბიძა.

სიჯიუტემ და შრომისმოყვარეობამ მენი პაკიანო დიდების მწვერვალზე აიყვანა. თავბრუდამხვევი წარმატების მიუხედავად, მენის ბავშვობა და ღარიბი მეზობლები არ დავიწყებია და პირველივე მსხვილი ჰონორარით თანასოფლელებისთვის დასახლების მშენებლობა დაიწყო.

პაკმან ვილაჟე - ასე დაარქვა მენიმ დასახლებას, სადაც, ათასი ახალი სახლის გარდა, ღია და დახურული ტიპის სპორტული დარბაზები, დასასვენებელი პარკი და მრავალფუნქციური ცენტრია განთავსებული. თითოეული სახლი ორ ოჯახზეა გათვლილი და ორი დამოუკიდებელი შესასვლელი აქვს.
ცნობისთვის, პაკმანი (Pac-Man) მოკრივეს მეტსახელი გახლავთ.


გაზიარება
მოინახულეს 503-ჯერ
კომენტარები
მსგავსი საიხლეები
  1. სიღარიბეში გაზრდილმა მსოფლიო ჩემპიონმა მშობლიურ მხარეში გაჭირვებულებს სოფელი აუშენა და სახლები აჩუქა
  2. უცნობი ისტორია ზვიადაურზე, რომელიც აქამდე არავის სმენია
  3. "ბევრი იმედგაცრუება, მძიმე მომენტი იყო ჩემს ცხოვრებაში, დედისა და ძმების დაკარგვა" - ქართველ ძალოსანთა ტრიუმფის მთავარი შემოქმედის პირადი ცხოვრება, მამის კვალზე წასული ვაჟები და ულამაზესი ქალიშვილები
  4. სიღარიბეში გაზრდილმა მსოფლიო ჩემპიონმა მშობლიურ მხარეში გაჭირვებულებს სოფელი აუშენა და სახლები აჩუქა
  5. სიღარიბეში გაზრდილმა მსოფლიო ჩემპიონმა მშობლიურ მხარეში გაჭირვებულებს სოფელი აუშენა და სახლები აჩუქა
რეკლამა