„ოჯახი ის, რაც ყოველთვის რჩება“ – რა კადრებს ავრცელებს და რას წერს ილია თოფურია რჩეულთან დაშორების შესახებ გავრცელებული ინფორმაციის შემდეგ

UFC-ის ქართველი ჩემპიონი, ილია თოფურია სოციალურ ქსელში რჩეულთან, ჯორჯინა უზკატეგუისთან დაშორების შესახებ გავრცელებული ინფორმაციის შემდეგ ოჯახურ კადრებს ავრცელებს.

„ინსტაგრამზე“ გამოქვეყნებულ კადრებში ჩანან მისი შვილები, უგო და ჯორჯინა.

ილიამ სოციალურ ქსელში განათავსა ბაბუასთან და ბებიასთან ერთად გადაღებული ემოციური კადრები.

ქართველი ჩემპიონი წერს, რომ „ოჯახი არის ის, რაც ყოველთვის რჩება“:

„მათ ვინც გზა გახსნა, მათთვის, ვინც მას გააგრძელებს – ოჯახი ის, რაც ყოველთვის რჩება“, – წერს ილია თოფურია სოციალურ ქსელში.

შეგახსენებთ, რამდენიმე დღეა, რაც ესპანური და ქართული მედიები, UFC-ის ქართველი ჩემპიონის ილია თოფურიას და მისი მეუღლის, ჯორჯინა უზკატეგუის დაშორებაზე საუბრობენ.