![](https://sport24.ge/uploads/posts/2024-07/1721940853_438158349_995193688901880_5091208989344057033_n.jpg)
ფეხბურთელ გიორგი გველესიანის მიერ რამდენიმე კვირის წინ Geo Team-თან ჩაწერილმა ვიდეომ, სადაც გულშემატკივრების შეკითხვებს პასუხობს, დიდი გამოხმაურება გამოიწვია. საუბარია კითხვა-პასუხის იმ ნაწილზე, როდესაც გველესიანმა ქალთა ფეხბურთზე დასმულ შეკითხვას უპასუხა და თქვა, რომ „მისი პირადი აზრით, ფეხბურთი ქალების საქმე ნაკლებად არის“.
ჟურნალისტი, ხელოვნებათმცოდნე, პროფესორი გოგი გვახარია გველესიანის ვიდეოსთან დაკავშირებით სოციალურ ქსელში გამართულ პოლემიკას საკუთარ ფეისბუკგვერდზე პოსტით ეხმაურება და წერს, რომ „იცვლება სამყარო, ძალადობიდან, კაცური თვითდამკვიდრებიდან თანასწორობისკენ“.
„ქართველ კაცებს ხშირად ჰგონიათ, რომ ცოლს(შეყვარებულს) როცა დაშორდებიან, ქალები უმწიკვლო ქალწულებად უნდა გადაიქცნენ და არავინ მიიკარონ ახლოს.
უტყდებათ, სიმონ:( კაცურ ამბავში.
აქედან იწყება ძალადობა და ყოვლად საზარელი ისტორიები.
რაც შეეხება ქალების ფეხბურთს. კინოზეც ასე იყო. კინორეჟისორი-ქალი რაღაც ეგზოტიკად აღიქმებოდა. დიდი ფესტივალების საკონკურსო პროგრამაში ერთი-ორი ქალი ჩნდებოდა ხოლმე. მერე დაიწყო კვოტების ეპოქა. აყიყინდნენ. რა წესიაო, ქალი რადგანაა ამიტომ სვამენ კონკურსებშიო. კი, ბევრი ცუდი ფილმი იყო და დიახ, ხელოვნურად სვამდნენ. მაგრამ გავიდა დრო და ახლა რა ხდება კი ხედავთ. ქალებმა გაუსწრეს კაცებს კინოში, უკან ჩამოიტოვეს. ბევრად უფრო თამამ ფილმებს იღებენ. უფრო გაბრაზებულ ფილმებს. უფრო ცოცხალ ფილმებს. კი ბატონო, შურს იძიებენ! და ასე იქნება პოლიტიკაშიც, ფეხბურთშიც და ყველგან.
გიტყდებათ სიმონ? რას იზამთ,მეც ბევრი რამე მიტყდება. მაგრამ იცვლება სამყარო. ძალადობიდან, კაცური თვითდამკვიდრებიდან თანასწორობისკენ“, – წერს გოგი გვახარია.
წყარო: tia.ge
![სასიხარულო ინფორმაცია მათთვის, ვინც საქართველო-ჩეხეთის მატჩის ბილეთები ვერ შეიძინა სასიხარულო ინფორმაცია მათთვის, ვინც საქართველო-ჩეხეთის მატჩის ბილეთები ვერ შეიძინა](/uploads/posts/2024-09/1725697201_mikheil-meskhis-sakhelobis-stadioni-reabilitatsiis-shemdeg_w_h.jpeg)
![მოგების უფრო დიდი შანსი ჩეხეთის ნაკრებს აქვს. იმედი მაქვს, 3 ქულა ჩვენ დაგვრჩება - ჩეხეთის ნაკრების კაპიტანი მოგების უფრო დიდი შანსი ჩეხეთის ნაკრებს აქვს. იმედი მაქვს, 3 ქულა ჩვენ დაგვრჩება - ჩეხეთის ნაკრების კაპიტანი](/uploads/posts/2024-09/1725652687_f5be5920-6c6b-11ef-92b1-9980660ab4f9-1.jpg)
![„უკეთესი გუნდი გავხდით, თუმცა ამ ჯგუფში იოლი თამაშები არ გვექნება“ - გურამ კაშია „უკეთესი გუნდი გავხდით, თუმცა ამ ჯგუფში იოლი თამაშები არ გვექნება“ - გურამ კაშია](/uploads/posts/2024-09/1725612730_guram-kashia_w_h.jpeg)
![ქართველი ძიუდოისტი ნინო ლოლაძე ევროპის ვიცე-ჩემპიონია ქართველი ძიუდოისტი ნინო ლოლაძე ევროპის ვიცე-ჩემპიონია](/uploads/posts/2024-09/1725595723_ae16ba30-6ba1-11ef-949a-fd50487c81ec.png)