პსჟ-ს პრეზიდენტი ბავშვს პირველადი დახმარება აღმოუჩინა - ხელაიფის მორიგი შესანიშნავი საქციელი (ვიდეო)

მსოფლიო საკლუბო ჩემპიონატის ნახევარფინალში „პარი სენ-ჟერმენმა“ მადრიდის „რეალი“ დამაჯერებლად – 4:0 დაამარცხა.

თამაშის შემდეგ, ემოციებით სავსე ატმოსფეროში, ერთ-ერთმა ახალგაზრდა ქომაგმა ზეიმისას ხელი მოიტეხა. სანამ ბავშვის მამა მიაღწევდა მასთან, პსჟ-ს პრეზიდენტი ნასერ ალ-ხელაიფი თავად მივიდა პატარა გულშემატკივართან, ვიპ-ზონაში წაიყვანა და პირველადი დახმარება პირადად გაუწია.

შეგახსენებთ, რომ ფინალში პარიზული გრანდი ლონდონის „ჩელსის“ დაუპირისპირდება. გადამწყვეტი შეხვედრა 13 ივლისს, თბილისის დროით 23:00 საათზე გაიმართება.