მერაბ დვალიშვილის მომდევნო მეტოქე ცნობილია

ქართველი მებრძოლი მერაბ დვალიშვილი ამჯერად ძალებს ჭიდაობაში მოსინჯავს.

მერაბ დვალიშვილი ორგანიზაცია RAF-ის ღონისძიება RAF08-ზე იასპარეზებს. მისი მეტოქე ჰენრი სეხუდო იქნება, რომელსაც ქართველმა მებრძოლმა 2024 წლის 18 თებერვალს UFC-ში დამაჯერებლად სძლია.

დვალიშვილისა და სეხუდოს დაპირისპირება 19 აპრილს გაიმართება. RAF ამერიკული თავისუფალი სტილით ჭიდაობის ორგანიზაციაა, რომელთანაც რამდენიმე კვირის წინ კონტრაქტი ვლადიმერ ხინჩეგაშვილმაც გააფორმა.

ასევე გადაწყვეტილია, რომ მერაბ დვალიშვილი ზაფხულში UFC-ის სუპერმსუბუქი წონის ქამრის დასაბრუნებლად პიოტრ იანთან რემატჩს გამართავს.