მოგეხსენებათ, რომ ზურაბ დათუნაშვილი მსოფლიოს ჩემპიონი გახდა. მან ეს სერბეთის სახელით მოახერხა და გულშემატკივრებიც გაახარა.
სერბებმა უკვე შეიყვარეს დათუნაშვილი.
როდესაც ტოკიოს ოლიმპიადაზე ზურამ ბრინჯაოს მედალი მოიპოვა, სერბეთის მთავრობამ გადაწყვიტა რომ ბრინჯაოს მედლის მოპოვებისთვის ქართველისთვის და მისი მწვრთნელისთვის პრიზის სახით 50 000 ევრო გადაეხადათ.
ზოგადად Forbes-ს მიხედვით სერბეთი ევროპაში ერთ-ერთ მოწინავე პოზიციაზე იმყოფება სპორტსმენების დაფასების მხრივ, რაც სხვადასხვა პრიზებში გამოიხატება.
შეგახსენებთ, რომ სერბეთის ოლიმპიური კომიტეტის გადაწყვეტილებით, ქართველი მოჭიდავე ზურაბ დათუნაშვილი სერბეთში 2022 წლის ყველაზე წარმატებულ სპორტსმენად დასახელდა. მას ჯილდო ოლიმპიური კომიტეტის პრეზიდენტმა ბოჟიდარ მალიკოვიჩმა გადასცა.
დაჯილდოებაზე დათუნაშვილმა მხარდამჭერებს მადლობა გადაუხადა და თქვა, რომ მომავალში სერბეთისთვის უფრო მეტად იბრძოლებს.
