ხვიჩა კვარაცხელიას "პსჟ-ში" შესაძლოა თავისი დიდი მეგობარი შეურთდეს

იტალიური გამოცემა მეტად საინტერესო ინფორმაციას აქვეყნებს, რომლის თანახმდაც "პსჟ-მ" შესაძლოა ხვიჩა კვარაცხელიას მეგობარი იყიდოს.

საქმე ვიქტორ ოსიმენს ეხება, რომელიც "ნაპოლში" ახალ გადასულ ქართველ ფეხბურთელს ადაპტაციაში ძალიან დაეხმარა და მათ შორის მეგობრული ურთიერთობაც ჩამოყალიბდა. ამავე ინფორმაციით, პარიზულ გუნდში გადასვლით ნიგერიელი ფეხბურთელიც არის დაინტერესებული და მისი აგენტები კლუბთან მოლაპარაკებებს აწარმოებენ.

თავად "ნაპოლიც" არ არის წინააღმდეგი გაყიდოს ვიქტორ ოსიმენი, რომელიც ამჟამად "გალათასარაიში" ჰყავს განათხოვრებული, შეგახსენებთ, რომ ოსიმენი სოციალური ქსელის საშუალებით კვარას "პსჟ-ს" რიგებში სადებიუტო გოლსაც გამოეხმაურა და ქართველს წარმატება უსურვა.