ბარსელონას ახალი სამიზნე ჰყავს

beIN SPORTS-ის ინფორმაციით, „ბარსელონა“ კვლავაც ინტერესდება „გალათასარაის“ ნიგერიელი თავდამსხმელით, ვიქტორ ოსიმენით.

გასულ წელს კატალონიურმა კლუბმა მისი ტრანსფერი ვერ განახორციელა, თუმცა ახლა ინტერესს განაახლა, რადგან სავარაუდოდ რობერტ ლევანდოვსკი გუნდის დატოვებას აპირებს. აგენტი პინი ზაჰავი აცხადებს, რომ პოლონელს დარჩენა სურს, თუმცა კლუბი, დიდი ალბათობით, მას დაემშვიდობება.

ოსიმენი „გალათასარაიმ“ ზაფხულში „ნაპოლისგან“ 75 მილიონ ევროდ შეიძინა და კონტრაქტი 2029 წლის 30 ივნისამდე გაუფორმა. ნიგერიელი შემტევი სტამბოლური კლუბის წამყვანი ფიგურაა და მისი გაყიდვა მარტივი არ იქნება — მით უმეტეს, ტრანსფერის ფინანსური მხარის გათვალისწინებით.