მატვეი საფონოვზე სამწუხარო ინფორმაცია ვრცელდება - რა დაემართა რუს მეკარეს?

პარი სენ-ჟერმენის მეკარემ, მატვეი საფონოვმა ტრავმა მიიღო. კლუბის მიერ გავრცელებული ინფორმაციით, მას მარცხენა ხელი აქვს მოტეხილი.

„საფონოვმა დაზიანება „ფლამენგოსთან“ საკონტინენტთაშორისო თასის ფინალში მიიღო. მისი მდგომარეობის შეფასება სამი-ოთხი კვირის შემდეგ კიდევ ერთხელ მოხდება“, – წერია პსჟ-ს განცხადებაში.

აღნიშნული შეხვედრის ერთ-ერთი გმირი სწორედ საფონოვი იყო, მან პენალტების სერიაში ოთხი დარტყმა მოიგერია და გუნდის წარმატებაში დიდი წვლილი შეიტანა.

2025 წელი „პარი სენ-ჟერმენმა“ ექვსი ტიტულით დაასრულა – გუნდმა საფრანგეთის ჩემპიონატი, ჩემპიონთა ლიგა, საფრანგეთის თასი, საფრანგეთის სუპერთასი, უეფა-ს სუპერთასი და საკონტინენტთაშორისო თასი მოიგო.

წყარო: 1tv.ge-sport