დღის ახალი ამბები

მიხედე რა შენს საქმეს - ლევან კობიაშვილმა შოთა არველაძეზე ისაუბრა

მიხედე რა შენს საქმეს - ლევან კობიაშვილმა შოთა არველაძეზე ისაუბრა

საქართველოს ფეხბურთის ფედერაციის პრეზიდენტმა, ლევან კობიაშვილმა გადაცემაში "სპორტი იმედზე" სექტემბრის სანაკრებო პაუზის შესახებ ისაუბრა და, ამავდროულად, მედიით გავრცელებულ კრიტიკულ კომენტარებს გამოეხმაურა.

"წააგებს ნაკრები და ჩამწკრივდებიან, კომენტარებს აკეთებენ... აქ არ იყავით წლების განმავლობაში? გეკეთებინა, თუ რაღაც შეგეძლო... ერთი მოედანი არ გაგიკეთებია, დადიხარ და რაღაცებს პროფესორობ. პრობლემა კი არ მაქვს, უნდა აკრიტიკო, მაგრამ შემოგვთავაზე, თუ შეგიძლია, მოდი და იმუშავე... დგახარ, რაღაცებს პროფესორობ... შეკრება, ანტალია... თუ გინდა, გეუბნებიან, მოდი და იმუშავე. ხან რა მიზეზებს ედებიან, ხან რას. მიხედე რა შენს საქმეს", - განაცხადა კობიაშვილმა.

ნათელია, რომ ფეხბუთის ფედერაციის პრეზიდენტი შოთა და აჩი არველაძეების ინტერვიუს გულისხმობდა. ვეტერანმა ფეხბურთელებმა ეროვნული ნაკრების უკანასკნელი მატჩები adjarasport.com-თან შეაფასეს.

"არასდროს გამოვირჩევი მწვავე და კრიტიკული განცხადებებით, მით უმეტეს, ეროვნულ ნაკრებთან მიმართებაში, მაგრამ მგონია, რომ ასეთი წარუმატებლობა და ასეთი თამაში მეც მეხება.

ალბათ პირველად ვიქნები ასეთი კატეგორიულად განწყობილი - მინდა ვთქვა, რომ ვიღაცებს მისამართი ეშლებათ, ან ვერ ხვდებიან სად არიან. წარმოუდგენელია, როცა ნაკრებში მუშაობ, თავს უფლება მისცე და ისე მოიქცე, როგორც მწვრთნელი ანტალიაში, საკლუბო შეკრებების დროს იქცევა! როგორ შეიძლება ამდენი ფეხბურთელის თამაში და დებიუტი ასეთ მოკლე დროში, ასეთ მნიშვნელოვან სანაკრებო მატჩებში?", - განაცხადა აჩი არველაძემ.

წყარო : Adjarasport.com


გაზიარება
მოინახულეს 9 599-ჯერ
კომენტარები
მსგავსი საიხლეები
  1. ფეხბურთის ფედერაციის ვიცე-პრეზიდენტი არჩევნებში მიიღებს მონაწილეობას
  2. ცრუ ბრალდებები, გრანდიოზული ქორწილი და გზა წარმატებისკენ - ლაშა ტალახაძის უცნობი ამბები
  3. "ბევრი იმედგაცრუება, მძიმე მომენტი იყო ჩემს ცხოვრებაში, დედისა და ძმების დაკარგვა" - ქართველ ძალოსანთა ტრიუმფის მთავარი შემოქმედის პირადი ცხოვრება, მამის კვალზე წასული ვაჟები და ულამაზესი ქალიშვილები
  4. "რას ჩალიჩობთ, ტო..." - შოთა და აჩი არველაძეების ვიდეოს დიდი გამოხმაურება მოჰყვა
  5. ის, რაც ყველას აინტერესებს - რატომ იყო უმუშევარი ვინი სანიოლი 3 წლის განმავლობაში, სანამ საქართველოს ნაკრებიდან შემოთავაზება ექნებოდა
რეკლამა